Antonio Cuervo Fernández , conocíu como Toni Cuervo, foi un futbolista y entrenador asturianu. Xugaba de defensa.
Trayeutoria La Guerra Civil Española obligó a la so familia a exiliase en Francia, regresando más tarde al llar familiar xunto a la so güela, yá que'l so padre taba encarceláu. En saliendo de la cárcel, empezó a trabayar con él de mecánicu. A la edá de 15 años ingresó na Unión Deportiva Ovetense, y a los 17 años fichó pol Vetusta, pa finalmente incorporase al Real Uviéu nel añu 1950. Foi titular na defensa del equipu uvieín a lo llargo de diecisiete temporaes consecutives.
La so vinculación col fútbol asturianu estendióse más allá de la so etapa como xugador, desempeñando funciones como entrenador nos años sesenta y setenta. Esta trayectoria incluyó episodios fuera del Uviéu, como la so incorporación al Celta de Vigo nel añu 1977, con l'oxetivu d'algamar l'ascensu a la Primer División. Sicasí, nun completó la temporada, abandonando'l cargu na décima xornada por desavenencies internes nel vestuariu. Foi sustituyíu temporalmente pol segundu entrenador, Pepe Villar, y finalmente asumió la direición del equipu José María Maguregui.
Tamién foi presidente de l'Asociación de Veteranos del Real Uviéu, y darréu presidente d'honor de dichu colectivu.
Equipos EquipuPaísAñuUnión Deportiva OvetenseEspaña1948-49Real Uviéu VetustaEspaña1949-50Real UviéuEspaña1950-57Club Atlético de MadridEspaña1956-57Real UviéuEspaña1957-67
Referencies
Enllaces esternos
Categoría:Futbolistes d'Uviéu Categoría:Entrenadores del Real Uviéu