Francisco Manuel Lumbrales de Sá Carneiro foi un abogáu y políticu portugués. Foi'l fundador y líder del Partíu Popular Democráticu/Partíu Socialdemócrata, y tamién primer ministru de Portugal, per cerca d'once meses, nel añu 1980.
Biografía Entamó la so carrera política en 1969 como diputáu na Asamblea Nacional del Estado Novo. Dende d'ehí desenvolvió una corriente política que pidía la tresformación del país nuna democracia basada na llegalidá, pero al nun consiguir dir por esi camín, abandonó les sos posiciones en 1973 y xunióse a la oposición. Cuando asocedió la Revolución de los Claveles, fundó y foi'l primer secretariu xeneral del Partíu Popular Democráticu (actual PSD), formación socialdemócrata que posteriormente adoptó posiciones más conservadores. Nes eleiciones llexislatives de 1979 presentóse con una coalición eleutoral de centru drecha, l'Alianza Democrática, que consiguió mayoría absoluta y formó gobiernu.
Morrió nel exerciciu de les funciones de primer ministru nel atentáu de Camarate, el 4 d'avientu de 1980.
Referencies
Enllaces esternos
Categoría:Abogaos y abogaes de Portugal Categoría:Políticos y polítiques de Portugal