Estefanía Cueto Puertas , conocida como Fanny, foi una modista y líder comunista asturiana víctima de la represión franquista.
Biografía Estefanía Cueto nació na llocalidá llanisca de Nueva y foi vecina de Sotrondio. Yera fía de Dolores y Emilio y taba soltera. Foi modista d'oficiu.
Yera miembru del Partíu Comunista d'España y foi dirixente de l'Asociación de Muyeres Antifascistes n'Asturies. Participó na Revolución d'Ochobre de 1934, llogrando fuxir y exiliarse en Rusia, y tornó a Asturies en febreru de 1936, tres la victoria del Frente Popular. Mientres la guerra civil española, dirixó dellos talleres de cordura en Sotrondio, La Pola Siero, Nueva y Posada, iguando ropa pa los milicianos. Tuvo somorguiada nes partíes de Peñamayor, y resultó mancada nuna de les batíes en xineru de 1939.
El 3 de marzu de 1939 foi condergada a muerte nun conseyu de guerra celebráu n'Uviéu, yá qu'esi añu dexaron de realizase en Xixón. Acusáronla de ser una de les principales líderes comunistes mientres la guerra civil española. Pasó seis meses na cárcel esperando a qu'executaren la so sentencia. Finalmente, el 29 d'agostu de 1939 foi afusilada en Xixón a los 40 años. El so cuerpu foi refundiáu a una fuesa común nel campusantu de Ciares de Xixón. El mesmu día de la so execución, fusilóse a venti persones. Foi la última muyer fusilada en Xixón de les condergaes mientres la guerra civil española.
Reconocencies El 14 d'abril de 2010, el so nome incluyóse nun monolitu homenaxe nel campusantu de Ciares de Xixón, nel que se recueye a les 1.934 víctimes de la represión franquista na ciudá.
En 2017, instalóse en Xixón enfrente del Muséu Nicanor Piñole una placa n'honor a les ocho muyeres represaliaes ente avientu de 1937 y agostu de 1939 pol franquismu. Nella méntase a Eladia García Palacios, Juana Álvarez Molina, Belarmina Suárez Muñiz, Anita Vázquez Barrancúa, Anita Orejas, Teresa Santianes Giménez y Máxima Vallinas Fernández, amás d'a Cueto.
Bibliografía Ortega Valcárcel, M. Enriqueta. 1994. La represión franquista en Asturias. Ejecutados y fallecidos en la cárcel del Coto, Gijón. Avilés. Azucel, D.L. 84-86546-51-6. García Piñeiro, Ramón. 2005. Luchadores del ocaso: Represión, guerrilla y violencia política en la Asturias de posguerra (1937-1952). ISBN 8483674939.
Referencies
Enllaces esternos
Llistáu de les 1934 víctimes de la represión franquista en Xixón. Audiu del actu d'allugamientu de la placa-homenaxe a muyeres republicanes fusilaes pola represión franquista en Xixón, en SoundCloud. comentando l'homenaxe a les represaliaes en Xixón, na Cadena SER.
Categoría:Políticos y polítiques del Partíu Comunista d'España Categoría:Comunistes d'España Categoría:Víctimes de la represión na zona franquista