Alejandro González Olivares Antuñano, nado en Santiago de Compostela o 9 de setembro de 1840 e finado en Vilagarcía de Arousa o 23 de marzo de 1901, foi un político galego.
Traxectoria
Foi gobernador civil de Lleida (1868) e Ourense (1869). Foi elixido deputado polo distrito de Xinzo de Limia nas eleccións de 1869. Volveu ser elixido polo distrito da Pobra de Trives en 1872 como membro do Partido Demócrata-Radical. Nas eleccións de 1884 foi elixido polo distrito do Carballiño. Foi nomeado intendente de Facenda en Cuba en 1885. Nas eleccións de 1891 foi elixido deputado polo distrito de Lalín. Membro do Partido Liberal, en 1893 foi elixido senador pola provincia de Lugo, foi reelixido en 1898, pero renunciou ao cargo. Finou en Vilagarcía de Arousa o 23 de marzo de 1901.Necrolóxica en Gaceta de Galicia, 27-3-1901, p. 2.
Notas
Véxase tamén Ligazóns externas Ficha no Senado
Categoría:Deputados de Galicia no Congreso dos Deputados Categoría:Senadores de Galicia Categoría:Gobernadores civís de Lleida Categoría:Gobernadores civís de Ourense Categoría:Nados en Santiago de Compostela Categoría:Nados en 1840 Categoría:Finados en 1901 Categoría:Personalidades de Galicia sen imaxes finados hai máis de 80 anos