Tim van Berkestijn, nado en Dordrecht o 28 de abril de 1977, é un cantante, produtor e pianista de pop holandés, baixo o nome artístico de Benny Sings.
Traxectoria Comezou a participar en proxectos musicais influídos polo hip-hop de principios da década de 1990. Durante os primeiros anos da súa actividade musical formou parte das bandas Gotcha!, Abstract Dialect e De Toffen. Nesa época vivía en cidades e localidades pequenas dos Países Baixos e describiu o hip-hop como unha actividade moi minoritaria dentro da escena musical coa que tiña contacto. Ao longo da súa carreira desenvolveu un estilo relacionado co soul, o hip-hop, o pop, a electrónica, o funk e o jazz. A súa música é caracterizada pola prensa especializada como composicións reducidas aos seus elementos fundamentais e por unha produción que concede especial importancia á melodía, aos acordes, á voz e ás bases rítmicas.
Álbum Music Music é o oitavo álbum de estudio de Benny Sings. Para este traballo colaborou con artistas como Tom Misch, KYLE, Cautious Clay e Mac DeMarco.
Sings describiu as colaboracións como unha experiencia na que puido traballar con músicos de ámbito internacional. No caso de Mac DeMarco, destacou a aprendizaxe obtida durante o traballo no estudio, especialmente ao observar os seus métodos para tocar e gravar baterías.
A revista especializada Pitchfork situou o álbum entre o soul de influencia pop e o yacht rock. A súa música foi asociada tamén cun carácter alegre e lixeiro.
A produción presenta unha estrutura sinxela e compacta que incorpora elementos relacionados coas bases rítmicas do hip-hop. Entre as cancións mencionadas están “Here It Comes” e “Sunny Afternoon”, pop-soul cunha estrutura rítmica relacionada co boom bap, subxénero do hip hop. A voz de Benny Sings caracterízase ao longo do álbum por unha presenza suave e discreta.
Notas
Véxase tamén Ligazóns externas Dreamin', do álbum City Pop, publicada no 2019 en youtube
Categoría:Pianistas dos Países Baixos Categoría:Cantantes dos Países Baixos Categoría:Nados en 1977 Categoría:Nados en Dordrecht