A meseta de Putorana (en ruso: плато Путорана, prato Putorana) ou as montañas de Putorana é unha zona montañosa de Rusia. Trátase dun gran macizo ou meseta atravesado por cadeas montañosas. O asentamento importante máis próximo é Norilsk, onde as viaxes de estranxeiros están restrinxidas (por ser unha "cidade pechada"). A cidade conta co servizo do aeroporto de Alykel.
A zona montañosa alberga algúns dos maiores depósitos de níquel coñecidos do mundo.
Xeografía A meseta de Putorana é unha meseta elevada atravesada por cadeas montañosas, situada no extremo noroeste da meseta central de Siberia. Atópase ao leste do val do río Ienisei, entre os 67° e os 70° de latitude norte, ao suroeste da meseta de Anabar, ao norte das mesetas de Syverma e Tunguska e ao sur da chaira do norte de Siberia.Google Earth As principais subcadeas de Putorana son as de Keta, Lontokoisky Kamen, Kharayelakh, Chaya-Ayan, Brus Kamen e Lama, entre outras.Oleg Kryzhanovsky, A Checklist of the Ground-beetles of Russia and Adjacent Lands. p. 14 A montaña máis alta do sistema montañoso é o monte Kamen, que se eleva 1678 m sobre o nivel do mar e constitúe tamén o punto máis alto da meseta central de Siberia. Considérase que a fervenza de Talnikovy é unha das máis altas de Asia.
Os lagos da meseta, como o lago Dyupkun e o lago Lama, son extensos e conforman ecosistemas completos que se estenden ao longo de decenas de quilómetros. Os máis de 25.000 lagos teñen profundidades de entre 180 e 420 m e, en conxunto, constitúen a segunda maior reserva de auga doce de Rusia por capacidade, despois do lago Baikal.
O centro xeográfico de Rusia, o lago Vivi, sitúase no límite meridional da meseta, onde esta conflúe coa meseta de Syverma.
thumb|Lago e reflexo na zona de Putorana|left
Xeoloxía A zona de Putorana está composta principalmente por basalto procedente das Traps Siberianas.Путорана, Great Soviet Encyclopedia in 30 vols. / Ch. ed. A.M. Prokhorov . - 3rd ed. - M, 1969-1978.
Clima A rexión de Putorana sitúase ao norte do círculo polar ártico. O clima é subártico rigoroso, de carácter fortemente continental, con invernos longos e extremadamente fríos e veráns curtos e frescos. Non obstante, en certos vales lacustres, como o do lago Lama, existe un microclima algo máis suave grazas á protección que as cadeas montañosas veciñas ofrecen contra os ventos do norte.Planeta Zemlya - Putorana Nas zonas de maior altitude da meseta, o clima transita cara a un clima de tundra.
A primavera, o verán e o outono teñen lugar, respectivamente, nos meses de xuño, xullo e agosto, o resto dos meses corresponden ao inverno, con temperaturas de entre -32 °C e -40 °C. En xullo, o mes máis cálido, a temperatura media do aire rolda os 8 °C e pode acadar un máximo de 16 °C. As precipitacións oscilan entre os 500 mm e os 800 mm, producíndose principalmente no verán en forma de choiva. A capa de neve durante o inverno é relativamente escasa.
Área protexida A Reserva Natural de Putorana, creada en 1988 e administrada desde Norilsk, é unha área protexida (do tipo "zapovednik") que abrangue unhas 1.887.251 hectáreas, cunha zona de amortecemento de 1.773.300 hectáreas. Creouse para protexer a maior manda do mundo de renos salvaxes, así como o muflón das neves. En xullo de 2010, a Reserva inscribíuse na lista do Patrimonio da Humanidade como "un conxunto completo de ecosistemas subárticos e árticos nunha cadea montañosa illada, que inclúe sistemas virxes de taiga, bosque de tundra, tundra e deserto ártico, así como sistemas fluviais e lacustres de augas frías intactos".UNESCO World Heritage Site datasheet
Recursos naturais Os minerais da meseta inclúen rochas ígneas de basalto, minerais de ferro (magnetita e hematita), silicatos (prehnita, zeolita), apatitas, perovskitas e minerais de cobre e níquel de alta concentración. Entre os recursos naturais figuran auga e carbón en abundancia.
Galería
Notas
Referencias
Véxase tamén
Outros artigos Patrimonio da Humanidade en Rusia
Ligazóns externas Official website of the Putorana Nature Reserve The Putorana Plateau Natural Heritage Protection Fund SPRI Review 2001: Remote Sensing Group (changes in vegetation cover) Sights of Putorana Plateau Virtual tour to the Putorana Plateau.
Categoría:Patrimonio da Humanidade en Rusia