Grupo Bimbo, S.A.B. de C.V. (tamén coñecida simplemente como Bimbo) é unha empresa multinacional mexicana de alimentos con presenza en máis de 33 países situados en América, Europa, Asia e África. En 2017 tiña un volume de vendas anual de 15.000 millóns de dólares e cotiza na Bolsa Mexicana de Valores co símbolo BIMBO. Está considerada a empresa panadeira máis grande do mundo.
Grupo Bimbo conta con 134 000 empregados, 196 plantas panadeiras, 3 millóns de puntos de venda e unha rede de distribución con 57 000 rutas en todo o mundo. A empresa ten máis de 100 marcas e 13 000 produtos, como Bimbo, Tía Rosa, Entenmann's, Pullman, Rainbo, Nutrella, Marinela, Oroweat, Sara Lee, Thomas' e Arnold and Barcel. As súas asociacións estratéxicas inclúen Alicorp (Perú); Blue Label (México); Fincomún, Galletas la Moderna, Grupo Nutresa (Colombia); Mundo Dulce (Arxentina); entre outros.
Daniel Servitje é presidente do Grupo Bimbo desde 2013.
Notas
Categoría:Empresas de alimentación Categoría:Empresas de México