Phu Phra Bat é un parque histórico no Distrito de Amphoe Ban Phue, Provincia de Udon Thani, Tailandia. A característica distintiva do parque son as súas inusuais formacións rochosas arredor das cales se construíron santuarios relixiosos. Algunhas formacións tamén presentan pinturas rupestres prehistóricas.
O parque estableceuno o Departamento de Belas Artes de Tailandia en 1991.
Xeografía Phu Phra Bat está situado na zona occidental das Montañas Phu Phan entre Udon Thani e Nong Khai, a unha distancia duns 65 km de cada cidade. A área do parque é de 4.9 km² e está integramente dentro do Parque Forestal Buabok de Phu Phra Bat.
Formacións rochosas As inusuais formacións rochosas do parque inclúen agullas, enormes rochas e rochas equilibradas e forman o pano de fondo da arte prehistórica e os santuarios relixiosos creados alí. Crese que as orixes xeolóxicas destas rochas proceden da erosión submarina que ocorreu hai quince millóns de anos.
Arte prehistórica thumb|left|Pintura rupestre prehistórica de Tham Khon As pinturas de arte prehistórica nas rochas pódense ver mellor onde algunhas rochas formaron un refuxio natural. Outras esvaecéronse considerablemente. As formacións chamadas Tham Wua e Tham Khon son exemplos particularmente bos, na primeira represéntanse bois, na segunda figuras humanas. Crese que as pinturas rupestres do parque datan de hai 6.000 anos.
Mitoloxía As formacións rochosas de Phu Phra Bat son o escenario dunha lenda local sobre un rei, a súa filla e o seu pretendente. A formación rochosa máis rechamante do parque, Ho Nang Usa, é onde o rei sobreprotector obrigou á súa fermosa filla a vivir. Malia o seu confinamento, conseguiu enviarlle unha mensaxe ao seu príncipe pretendente e os dous casaron desafiando ao seu pai.
Santuarios relixiosos thumb|left| Santuario de Phu Phra Bat Ho Nang Usa é unha das moitas formacións rochosas onde se construíu un santuario. Os primeiros santuarios datan do período Dvaravati nos séculos VII a X. Os santuarios presentan influencias hindú e budistas.
O santuario máis significativo do parque é Wat Phra Putthabaht Bua Bok, onde un chedi de estilo cham-khmer cobre unha cámara que alberga unha pegada de Buda de arenita. O santuario é un lugar de peregrinación cun festival anual que se celebra en marzo.
Notas
Véxase tamén
Categoría:Patrimonio da Humanidade en Tailandia