Homefront é un videoxogo de tirador en primeira persoa desenvolvido por Kaos Studios e publicado por THQ. O xogo conta a historia dun movemento de resistencia que loita nun futuro próximo contra a ocupación do oeste dos Estados Unidos de América polo exército popular de Corea do Norte. Foi lanzado para Microsoft Windows, PlayStation 3 e Xbox 360 en marzo de 2011.
Homefront recibiu críticas dispares. A curta duración da campaña para un xogador foi criticada, mentres que a atmosfera e a historia dividiron aos críticos. Pola contra, o modo multixogador do xogo foi ben recibido en xeral. Tras a quebra de THQ, os dereitos do xogo vendéronse a Crytek e máis tarde a Koch Media tras a reestruturación da súa empresa. Deep Silver lanzou un reboot, Homefront: The Revolution, en 2016.
Modo de xogo Un xogador A campaña para un xogador leva de 4 a 10 horas para rematar o xogo, todo dependendo da experiencia do xogador.
Multixogador O compoñente multixogador de Homefront céntrase no combate a grande escala baseado en vehículos, que lembra o primeiro título de Kaos Studios, Frontlines: Fuel of War. A innovación que define o modo multixogador de Homefront é o seu sistema de puntos de batalla, que é unha moeda do xogo que permite a un xogador mercar armas, equipamento e vehículos. Os xogadores poden gañar puntos completando obxectivos e aumentando o seu número de baixas, que poden gastar en armas, mísiles e drons ou en artigos máis grandes e de maior custo, como helicópteros e tanques.
Notas
Véxase tamén
Ligazóns externas Páxina oficial
Categoría:Videoxogos de 2011 Categoría:Shooters en primeira persoa Categoría:Videoxogos dun xogador e multixogador Categoría:Videoxogos de Xbox 360 Categoría:Videoxogos de Windows Categoría:Videoxogos desenvolvidos nos Estados Unidos de América Categoría:Videoxogos desenvolvidos no Canadá Categoría:Videoxogos de ciencia ficción Categoría:Videoxogos de PlayStation 3