Mitiarjuk Attasie Nappaaluk (en ), nada en Kangiqsujuaq en 1931 e finada ibídem o 30 de abril de 2007, foi unha autora, educadora e escultora inuk. É recoñecida por escribir Sanaaq, unha das primeiras novelas publicadas en lingua inuktitut. Nappaaluk traduciu libros ao inuktitut e contribuíu a un dos primeiros dicionarios inuktitut. Continuou ensinando cultura e lingua inuit na rexión de Nunavik, escribindo un total de 22 libros para uso escolar. As súas esculturas de pedra están presentes en coleccións da Galería de Arte de Winnipeg, o Museo Nacional de Belas Artes do Quebec, o Museo da Civilización e o Museo Británico.
Polos seus esforzos no apoio e a preservación da cultura inuit, Nappaaluk foi recoñecida cun Premio Nacional para o Logro Indíxena (1999) e cun título honorífico da Universidade McGill (2000).
Véxase tamén Outros artigos Markoosie Patsauq
Categoría:Nados en 1931 Categoría:Finados en 2007 Categoría:Escritores inuit Categoría:Novelistas do Canadá