Pedro de Gracia Dei, nado quizais en Betanzos cara a 1465 e finado en Zafra c. 1530, foi un xenealoxista, historiador e poeta galego ao servizo dos Reis Católicos, de Carlos I, de Xoán II e outros nobres casteláns e portugueses.
Traxectoria Da biografía deste prolífico escritor non se sabe case nada. Confésase “gallego”, sen precisar ningunha localidade, e tamén “vasallo del rey castellano”. En 1497 era cronista de Fernando o Católico e estivo vinculado á corte castelá nos últimos anos do século XV. Quizais estudou en Salamanca, afirma ser “hijo de dicho studio”, e ocupou o cargo de criado e rei de armas dos Reis Católicos. Á morte da raíña, á quen lle dedicou numerosos textos laudatorios, entrou ao servizo de Carlos I e sábese que debeu viaxar con frecuencia a Portugal, xa que unha das súas poucas obras impresas está dedicada ao rei portugués Xoán II.
Parece ser que morreu en Zafra cara a 1530, cando estaba ao servizo do conde de Feria. Tamén se dubidou de que Gracia Dei fose o seu verdadeiro apelido.
Obra Xenealóxica e heráldica Blasón general de todas las insignias del universo (1489) Libro del Blasón de la Caballería Crónica del Rey Don Pedro; las Ciudades y villas Escudos de reyes y príncipes del mundo Tratados especiales de los linages de Leyba y de la Cueva Blasones de las armas e insignias de los principales linages de Castilla Genealogías y blasón de los reyes de Castilla Vergel de Nobles
Historiográfica Crónica de España Summa de todos los reyes que han sido en España desde tiempo de los godos Historia y defensa del rey Don Pedro Relación del Rey don Pedro y de su descendencia
Poética La criança y virtuosa doctrina (1489) Las XV preguntas del Papa Julio a Gracia Dei sobre las excelencias de la Reina Doña Isabel Libro de los pensamientos variables Las excellencias de la Reina doña Isabel
Notas
Categoría:Nados no século XV Categoría:Finados en 1530 Categoría:Historiadores de Galicia Categoría:Poetas de Galicia Categoría:Xenealoxistas