A boga (Pseudochondrostoma polylepis) é unha especie de peixe teleósteo da familia dos ciprínidos.
É un endemismo da conca do Texo, na Península Ibérica e foi introducida nas concas do Xúcar e Segura. O seu hábitat natural son os ríos e cursos de auga intermitentes. Está ameazada por perda de hábitat. En España chega a alcanzar os 40 cm de longo. É de cor prateada e as súas aletas son case brancas. A súa alimentación é omnívora. A boga é un dos ciprínidos máis apreciados en España por pescadores recreativos xa que é un peixe de bo tamaño.
Na Península Ibérica, outras especies coñecidas de bogas son a boga do Guadiana (Pseudochondrostoma willkommii), que soamente habita na conca deste río e algunhas zonas do Guadalquivir e a boga do Douro (Pseudochondrostoma duriense) endémica da conca do Douro.
Notas
Categoría:Peixes endémicos da Península Ibérica Categoría:Leuciscinae Categoría:Animais descritos en 1864