Richard von Wettstein, nado o 30 de xuño de 1863 en Viena, e finado o 10 de agosto de 1931 en Trins, Tirol austríaco, foi un botánico austríaco.
Traxectoria Wettstein estudou en Viena, onde foi discípulo de Anton Kerner von Marilaun (1831-1898) e casou coa súa filla Adele, coa que tivo un fillo, Friedrich von Wettstein, que foi tamén botánico, ademais de biólogo, naturalista e xenetista .Franz Speta (2000): Warum Otto Stapf: "Wien verlassen hat". Phyton (Horn, Austria) 40 (1): 89-113.
Foi profesor na Universidade Carolina de Praga desde 1892, e posteriormente na Universidade de Viena, desde 1899, da que foi profesor titular de botánica sistemática, e onde foi director do Xardín Botánico da Universidade, que renovou, e do Instituto de Botánica. O xardín e o edificio do instituto reconstruíronse baixo a súa dirección no curso 1904-05.Thomas Maisel (2008): Scholars in Stone and Bronze: The Monuments in the Arcaded Courtyard of the University of Vienna. University of Vienna: Böhlau Verlag Wien. (p. 42 Richard Wettstein von Westerheim (1863–1931) botánico). ISBN 978-3-2057-8224-7.
Como botánico, Wettstein foi especialista en pteridófitas, micoloxía, ficoloxía e en espermatófitas. Traballou principalmente como sistemático das plantas; fundou unha das grandes clasificacións clásicas dos vegetais, chamada xustamente o Sistema Wettstein ou clasificación de Wettstein. Para o traballo The Natural Plant Families de Adolf Engler no volume 4 número 3b, traballou nas familias de plantas "Nolanaceae, Solanaceae, Scrophulariaceae, Globulariaceae, Myoporaceae" (1891-1895).
En política, Wettstein foi nomeado membro do Reichsrat austríaco en 1917. Despois da primeira guerra mundial pertenceu a un grupo de traballo austro-alemán fundado en 1919, cuxos membros fixeron campaña para que Austria se unise ao Reich alemán.
En 1894 foi elixido membro da Leopoldina. En 1901 foi elixido presidente da Sociedade Zoolóxica e Botánica de Viena (Zoologisch-Botanische Gesellschaft), e durante o mesmo ano participou nunha expedición científica ao Brasil. En 1908 foi presidente da Sociedade de científicos e médicos alemáns. A partir de 1910 foi membro da Academia de Ciencias e en 1919 o seu vicepresidente. No curso 1913-14 foi reitor da Universidade de Viena. En 1914 converteuse en membro correspondente da Academia de Ciencias de Baviera. En 1908 foi presidente da Sociedade de científicos e médicos naturais alemáns. A partir de 1910 foi membro da Academia de Ciencias e 1919 o seu vicepresidente. En 1913/14 foi reitor da Universidade de Viena. En 1914 converteuse en membro correspondente da Academia de Ciencias de Baviera.Holger Krahnke: Die Mitglieder der Akademie der Wissenschaften zu Göttingen 1751–2001 (= Abhandlungen der Akademie der Wissenschaften zu Göttingen, Philologisch-Historische Klasse. Folge 3, Bd. 246 = Abhandlungen der Akademie der Wissenschaften in Göttingen, Mathematisch-Physikalische Klasse. Folge 3, Bd. 50). Vandenhoeck & Ruprecht, Göttingen 2001, ISBN 3-5258-2516-1, p. 257. Pertenceu á Academia Rusa das Ciencias desde 1924 como membro correspondente e desde 1927 como membro honorario (desde 1925: Academia das Ciencias da URSS).
En 1919 foi nomeado vicepresidente da Academia de Ciencias de Viena. En 1927 foi admitido na Academia Americana de Artes e Ciencias e, en 1928, na Academia de Ciencias de Göttingen.
Durante os seus últimos anos (1929–30), viaxou co seu fillo Friedrich (Fritz), ao leste e o sur de África.
Richard von Wettstein faleceu o 10 de agosto de 1931 en Trins, no Tirol austríaco. Pouco despois da súa morte, o entón alcalde de Viena, Karl Seitz, decretou que se puxese a disposición de Wettstein unha tumba de honra no cemiterio central de Viena.ANNO. Historische österreichische Zeitungen und Zeitschriften online. 14-08-1932. Notizen. Ein Ehrengrab für Professor Wettstein.
Algunhas publicacións Nolanaceae, Solanaceae, Scrophulariaceae en . Grundzüge der geographisch-morphologischen Methode der Pflanzensystematik, 1898 - Base dos métodos xeográfico-morfolóxicos da sistemática das plantas. Botanik Und Zoologie In Österreich in den Jahren 1850 Bis 1900, 1901 - Botánica e zooloxía en Austria nos anos 1850 a 1900. Der Neo-Lamarckismus und seine Beziehungen zum Darwinismus, 1903 - O neolamarkismo e a súa relación co darwinismo.
Tratado de botánica sistemática, 4ª edición, 1944. Barcelona: Editorial Labor S.A.
Honores
miniatura|270px|Sepultura de Richard von Wettstein no cemiterio central de Viena
Epónimos Xéneros (Asteraceae) Wettsteinia Petr. Bull. Soc. Bot. Genève Ser. II, ii 167 1910 (IK) (Podostemaceae) Wettsteiniola Suess. Repert. Spec. Nov. Regni Veg. 39: 18 1935 (IK) Especies (Aizoaceae) Conophytum wettsteinii N.E.Br. Gard. Chron. 1922, Ser. III. lxxi 231 (IK) (Araceae) Arum wettsteinii Hruby Bull. Soc. Bot. Genève 1912, Ser. II iv 152 (IK) (Asteraceae)Acosta wettsteinii (Degen & Dörfl.) Holub Preslia 46 (3): 227 1974 (IK) (Boraginaceae) Symphytum wettsteinii SennholzSitzungsber. Zool.-Bot. Ges. Wien xxxviii 1888 (IK) (Campanulaceae) Campanula wettsteinii Halácsy & Baldacci ex HalácsyOesterr. Bot. Z. 41: 371 in syn. 1891 (IK) (Caryophyllaceae) Alsine wettsteinii Dörfl. ex Mattf.Bot. Jahrb. Syst. 57 (2 Beibl. 126): 33 in syn. 1921 (IK)
Outros En 1905, foi copresidente do Congreso International de Botánica, celebrado en Viena.
Desde 1942, n0 distrito 21 de Floridsdorf, está a rúa Wettstein (Wettsteinstraße).
Abreviaturas As abreviaturas Wettstein e Wettst. empréganse cara recoñecer a como autoridade da descrición e taxonomía en botánica.Wettst. – Richard Wettstein (1863-1931) no IPNI.
Notas
Véxase tamén
Bibliografía
Categoría:Científicos de Austria Categoría:Botánicos de Austria Categoría:Alumnos da Universidade de Viena Categoría:Profesores da Universidade de Viena Categoría:Profesores da Universidade Carolina de Praga Categoría:Membros da Academia Austríaca de Ciencias Categoría:Nados en Viena Categoría:Nados en 1863 Categoría:Finados en 1931