Wilhelm Kubitschek, nado o 28 de xuño de 1858 en Bratislava e finado o 2 de outubro de 1936 en Viena, foi un historiador clásico, epigrafista e numismático austríaco.
Traxectoria Logo de concluír a súa educación secundaria no Akademisches Gymnasium de Viena, entre 1875 e 1879 estudou Historia Antiga, Epigrafía e Arqueoloxía na Nuniversidade de Viena, onde contou con profesores como Otto Hirschfeld e Otto Benndorf. Posteriormente, ampliou a súa formación pasando unha estadía dun semestre na Universidade Humboldt de Berlín, como alumno de Theodor Mommsen, e obtivo o seu doutoramento en 1881."PH RA 188 Kubitschek, (Josef) Wilhelm, 1880.07.07-1881.03 (Akt)". Universität Wien.
Entre 1881 e 1886 impartiu clases en institutos de secundaria de Hollabrunn, na Baixa Austria, e de Viena, e en 1887 acadou a habilitación como profesor universitario de Historia Antiga.
En 1896 obtivo unha praza como profesor asociado da Universidade de Graz e o ano seguinte regresou a Viena como conservador do Gabinete Numismático (Münzkabinett) do Museo de Historia da Arte (Kunsthistorisches Museum), posto que compaxinou coa docencia de Arqueoloxía Romana, Epigrafía e Numismática na Universidade de Viena. En 1916 converteuse no sucesor de Eugen Bormann como profesor titular de Arqueoloxía e Epigrafía Romanas.Betz. A. (1969).Winkler, G. (1982).
En 1903 foi nomeado conservador da Comisión Central para o Estudo e a Conservación da Arte e os Monumentos Históricos (Zentralkommission für Erforschung und Erhaltung der Kunst- und historischen Denkmale), e o ano seguinte conservador xeral dos monumentos antigos de Austria.
Entre 1907 e 1913 foi o editor da publicación periódica Jahrbuch für Altertumskunde."Wilhelm Kubitschek". Wikisource. Unha importante cantidade dos seus artigos foi publicada en Realencyclopädie der classischen Altertumswissenschaft.
Recoñecementos (1923): Medalla da Royal Numismatic Society, de Londres."The Society’s Medal". Royal Numismatic Society. (1933): Medalla Huntington, da American Numismatic Society, de Nova York."Recipients of the Huntington Medal Award ". American Numismatic Society.
Publicacións Estes son algúns dos traballos monográficos máis representativos da traxectoria académica de Wilhelm Kubitschek."Kubitschek,Wilhelm". Hathitrust.org"Kubitschek, Wilhelm 1858-1936 ". Digital Library Numis."Kubitschek, Wilhelm". WorldCat Identities."Wilhelm Kubitschek 1858-1936". Open Library. Internet Archive.
(1882). De Romanarum tribuum origine ac propagatione. Gerold, Viena. (1889). Imperium Romanum tributim discriptum. Tempsky, Praga (1896). Rundschau über ein Quinquennium der antiken Numismatik (1890-1894). Hölder, Viena. (1915). Die kalenderbücher von Florenz, Rom und Leyden. Hölder, Viena. (1916). Zur Geschichte von Städten des römischen Kaiserreiches, epigraphisch-numismatische Studien. Hölder, Viena. (1923). Führer durch Carnuntum. Österreichisches Archäologisches Institut, Viena. (1928). Grundriss der antiken Zeitrechnung. Beck, Múnic. (1929). Ältere Berichte über den römischen Limes in Pannonien / 1. Hölder-Pichler-Tempsky, Viena. (1932). Zur abfolge der prägungen der kaiser Marcus und Verus. Hölder-Pichler-Tempsky, Viena. (1934). Studien zur Geographie des Ptolemäus. Hölder-Pichler-Tempsky, Viena.
Notas
Véxase tamén
Bibliografía Betz. A. (1969). "Kubitschek, Wilhelm (1858-1936), Althistoriker, Epigraphiker und Numismatiker". En Österreichisches Biographisches Lexikon. Viena. Páxina 314. Winkler, G. (1982). "Kubitschek, Wilhelm". En Neue Deutsche Biographie (NDB). Volume 13. Duncker & Humblot, Berín. Páxina 160. ISBN 3-428-00194-X
Categoría:Nados en 1858 Categoría:Finados en 1936 Categoría:Nados en Bratislava Categoría:Numismáticos de Austria Categoría:Historiadores de Austria Categoría:Arqueólogos de Austria Categoría:Historiadores de Historia Antiga Categoría:Epigrafistas Categoría:Galardoados coa medalla da Royal Numismatic Society Categoría:Galardoados coa medalla Huntington Categoría:Alumnos da Universidade de Viena Categoría:Alumnos da Universidade Humboldt de Berlín Categoría:Membros da Academia Austríaca de Ciencias Categoría:Profesores da Universidade de Graz Categoría:Profesores da Universidade de Viena