Vítor Manuel Pires de Aguiar e Silva, coñecido como Vítor Aguiar e Silva, nado en Real (Penalva do Castelo) o 15 de setembro de 1939 e finado o 12 de setembro de 2022, foi un profesor, escritor e poeta portugués.
Traxectoria
Iniciou os seus estudos no Liceu Nacional de Viseu. Xa na Universidade de Coímbra, concluíu a carreira de Letras, licenciándose en Filoloxía Románica. Tras obter o seu doutoramento en Literatura Portuguesa, entrou de profesor na Facultade de Letras da mesma universidade en 1969, sendo trasladado para a Universidade do Miño en 1989, onde ocupou o cargo de vicerreitor durante 12 anos. Foi fundador e director da revista Diacrítica e do Centro de Estudos Humanísticos. Participou da proposta de creación do Instituto Camões, como coordinador do grupo de traballo. Tamén coordinou a Comisión Nacional de Lingua Portuguesa (CNALP), tendo aínda sido membro do Consello Nacional de Cultura.
Foi un dos eminentes profesores asinantes da Petição em defesa da Língua Portuguesa Contra o Acordo Ortográfico, que desde o 2 de maio de 2008 recolleu máis de 128 000 sinaturas.
Dedicouse ao estudo da Teoría da Literatura —área en que a súa investigación foi internacionalmente recoñecida— e da Literatura Portuguesa do Maneirismo, do Barroco e do Modernismo.
Foi Premio Camões en 2020.
Publicacións
Para uma interpretação do classicismo (1962). O teatro de actualidade no romantismo português: 1849-1875 (1965). Teoria da literatura (1967). Notas sobre o cânone da lírica camoniana (1968). Maneirismo e barroco na poesia lírica portuguesa (1971). O significado do episódio da Ilha dos Amores na estrutura de Os Lusíadas (1972). A oposição democrática e sua ideologia totalitária (1973). Reforma do sistema educativo (1973). A estrutura do romance (1974). Competência linguística e competência literária: sobre a possibilidade de uma poética gerativa (1977). Crítica de Livros: teoria literária (1977). Fialho de Almeida e o problema sociocultural do francesismo (1983). Teoria e metodologia literárias (1990). Universidade Aberta. 305 páxs. ISBN 9789726740506 Imaginação e pensamentos utópicos no episódio da "Ilha dos Amores" (1988). Maria Alice Nobre Gouveia: 1927-1988 (1991). Camões: labirintos e fascínios (1994). Livros Cotovia. ISBN 978-972-808-237-6. A lira dourada e a tuba canora : novos ensaios camonianos (2008). Livros Cotovia. ISBN 978-972-795-234-2. Jorge de Sena e Camões: trinta anos de amor e melancolia (2009). Angelus Novus.189 páxs. ISBN 978-9728827632. As humanidades, os estudos culturais, o ensino da literatura e a política da língua portuguesa (2010). Almedina. ISBN 978-9724041957. Dicionário de Luís de Camões (2011). Caminho. ISBN 9789722121460.
Traducións ao español
Competencia lingüística y competencia literaria. Sobre la posibilidad de una poética generativa. (1980). Gredos. 164 páxs. ISBN 978-84-249-0841-6. Teoría de la literatura (1987). Gredos. 550 páxs. ISBN 978-84-249-0046-5. (2005). Gredos. 590 páxs. ISBN 978-84-249-0045-8
Premios
Premio Vergílio Ferreira, atribuído pola Universidade de Évora (2002). Grã-Cruz da Ordem da Instrução Pública, a 4 de outubro de 2004. Prémio Vida Literária da Associação Portuguesa de Escritores (2007). Premio D. Dinis, da Fundação Casa de Mateus, pola obra "A Lira Dourada e a Tuba Canora: Novos Ensaios Camonianos" (2009). Grande Prémio de Ensaio Eduardo Prado Coelho, instituído pola Associação Portuguesa de Escritores, pola obra "Jorge de Sena e Camões -- Trinta Anos de Amor e Melancolia" (2010) “Prémio Jorge de Sena”, atribuído polo Centro de Literaturas e Culturas Lusófonas e Europeias (CLEPUL) da Faculdade de Letras da Universidade de Lisboa (2011). Doutoramento Honoris Causa pola Universidade dos Açores (16 de outubro de 2018). Prémio Vasco Graça Moura – Cidadania Cultural (2018) Premio Camões en 2020.
Notas
Categoría:Poetas de Portugal Categoría:Escritores de Portugal Categoría:Profesores da Universidade do Miño Categoría:Nados no distrito de Viseu Categoría:Nados en 1939 Categoría:Finados en 2022 Categoría:Alumnos da Universidade de Coímbra