José Miguel Alcalde, nado en Santiago de Compostela cara a 1896 e finado na Coruña en setembro de 1987,La Voz de Galicia, 22-9-1987, p. 28 foi un industrial e político galego.
Traxectoria Foi vogal da directiva da Juventud Jaimista de Santiago de Compostela en 1916,El Correo de Galicia, 17-1-1916, p. 2. e volveu ser elixido vogal en 1917.El Correo de Galicia, 22-1-1917, p. 2. En 1919 foi elixido vicesecretario da directiva da Junta Tradicionalista de Santiago de Compostela.El Ideal Gallego, 9-2-1919, p. 2. Embarcou en Vigo con rumbo a Filipinas en maio de 1923.El Compostelano, 22-5-1923, p. 2. Retornado a Compostela, na República foi membro do Centro Republicano Federal de Izquierda Gallega de Santiago de Compostela,El Compostelano27-4-1931, p. 2. do que chegou a ser secretario en 1935, e na súa representación acudiu ao congreso do Partido Federal Español que se celebrou en Madrid en maio dese ano.El Pueblo Gallego, 12-5-1935, p. 12. Tamén foi membro do Aero Club Compostela. Logo do triunfo do Frente Popular foi nomeado concelleiro de Santiago de Compostela en febreiro de 1936.El Compostelano, 24-2-1936, p. 2. Dimitiu, como a maioría dos concelleiros, a principios de xullo de 1936.El Compostelano, 10-7-1936, p. 1. Logo do golpe de Estado do 18 de xullo de 1936 logrou fuxir. Xulgado polo Tribunal de Responsabilidades Políticas, foi condenado en 1940 a seis anos de inhabilitación absoluta, seis anos de desterro a máis de douscentos quilómetros de Santiago de Compostela e o pago de cinco mil pesetas.BOE, 2-3-1940, p. 1111.
Notas
Categoría:Concelleiros de Santiago de Compostela Categoría:Concelleiros de Galicia durante a II República Categoría:Exilio galego Categoría:Nados en Santiago de Compostela Categoría:Nados en 1896 Categoría:Finados en 1987 Categoría:Personalidades de Galicia sen imaxes