Arlie Russell Hochschild, nada en Boston o 15 de xaneiro de 1940, é unha profesora universitaria, feminista e socióloga estadounidense.

Traxectoria Filla de diplomáticos, desde moi cedo espertou a conciencia sobre a diferenza entre os sentimentos interiores e o mundo das aparencias.

Ós 12 anos, os seus pais alistáronse no U.S. Foreign Service e a familia mudouse a Tel Aviv. Estudou na Escola Tabeetha, unha escola de misión escocesa en Iafa.

Formouse en relacións internacionais no Swarthmore College (1962), fixo un mestrado en 1965 e o doutoramento en 1969 en socioloxía pola Universidade de California en Berkeley, onde se converteu en profesora emérita.

Está casada co escritor Adam Hochschild, con quen tivo dous fillos.

Citas "A maioría das mulleres sen fillos pasan moito máis tempo que os homes nas tarefas domésticas; cos nenos, dedican máis tempo ás tarefas domésticas e ao coidado dos nenos. Así como existe unha brecha salarial entre homes e mulleres no lugar de traballo, existe unha "brecha de lecer" entre eles no fogar. A maioría das mulleres traballan unha quenda na oficina ou a fábrica e unha "segunda quenda" en casa."

"Cuanto máis ansiosos, illados e privados esteamos de tempo, é máis probable que recorramos a servizos privados pagos. Para financiar estes servizos adicionais, traballamos máis horas. Isto deixa menos tempo para pasalo con familiares, amigos e veciños; volvémonos menos propensos a pedirlles axuda e eles a nós."

"Para moitos de nós, o traballo é o único lugar onde nos sentimos apreciados. As cousas que anhelamos experimentar en casa (orgullo dos nosos logros, risos e diversión, relacións que non son complexas) ás veces experimentámolas con maior frecuencia na oficina. Os xefes apláudennos cando facemos un bo traballo. Os compañeiros de traballo convértense nun tipo de familia na que sentimos que encaixamos."

"O contrato que asinamos co lugar de traballo non se fixo pensando nas familias: traballar durante todo o ano en xornadas laborais de oito horas sen contar cos recentemente nados, as enfermidades normais da infancia, as dificultades na escola, as persoas maiores que enferman. En interese de quen faise isto? E non podemos cambialo, facendo dous días de nove horas e tres días de seis horas, realizando un traballo extras e facendo a vida habitable para todos?"

Notas

Categoría:Nados en 1940 Categoría:Nados en Boston, Massachusetts