Ana de Veldenz (en ), nada en 1394/95 e finada en Wachenheim o 18 de novembro de 1439, foi condesa de Veldenz e condesa consorte palatina de Simmern-Zweibrücken polo seu casamento con Estevo do Palatinado-Simmern-Zweibrücken.
Familia Ana foi a única filla e herdeira do conde Federico III de Veldenz e de Margarida de Nassau-Weilburg. Os seus avós paternos eran o conde Henrique III de Veldenz e Loreta de Sponheim. Os seus avós maternos eran o conde Xoán I de Nassau-Weilburg e Xoana de Saarbrücken, señora de Commercy.
Traxectoria Con preto de 16 anos, a condesa Ana casou co conde Estevo, de 24 anos, o día 10 de xuño de 1410, na cidade de Heidelberg. O conde era fillo do rei Roberto do Sacro Imperio Romano Xermánico e de Sabela de Nürnberg. A parella tivo sete fillos, cinco nenos e dúas nenas.
Ana faleceu o día 18 de novembro de 1439, e foi enterrada en Meisenheim, no actual estado da Renania-Palatinado.
Notas
Categoría:Casa de Wittelsbach Categoría:Finados en 1439