Fotije Sladojević, nado como Rade Sladojević en Dujakovci o 1 de febreiro de 1961, é un eclesiástico ortodoxo serbio, bispo de Dalmacia dende 1999.
Traxectoria Naceu o 1 de febreiro de 1961 en Dujakovci, no concello de Banja Luka, na República Socialista de Bosnia e Hercegovina. Fixo os seus estudos básicos en Čurug, e a secundaria en Novi Sad. Posteriormente, en 1983, ingresou na Facultade de Teoloxía Ortodoxa da Universidade de Belgrado, graduándose en 1988. Posteriormente estudou un posgrao na Universidade de Erlangen-Nürnberg (Alemaña).
Logo da súa volta, en 1990 ingresou no mosteiro de Kovilj, situado na eparquía de Bačka. No mesmo ano foi ordenado arquidiácono e, en 1991, foi ordenado hieromonxe polo bispo Irinej Bulović. Entre 1992 e 1993 estivo no mosteiro de Bođani, e entre 1993 e 1998 foi profesor no Seminario de Santo Arsenio de Sremski Karlovci.
O 30 de maio de 1999 foi consagrado bispo de Dalmacia na catedral de Sremski Karlovci, e foi nomeado tamén administrador temporal da eparquía de Gornji Karlovac.
Notas
Categoría:Nados en 1961 Categoría:Nados na República Serbia Categoría:Bispos da Igrexa ortodoxa serbia Categoría:Bispos ortodoxos de Croacia Categoría:Bispos ortodoxos de Bosnia e Hercegovina Categoría:Bispos ortodoxos do século XX Categoría:Bispos ortodoxos do século XXI Categoría:Alumnos da Universidade de Belgrado Categoría:Alumnos da Universidade de Erlangen-Nürnberg