A XXXI edición da Xornada Mundial da Xuventude da Igrexa católica realizouse en Cracovia no ano 2016. Foi a segunda que acolleu Polonia tras a realizada no ano 1991 en Częstochowa, co papa Xoán Paulo II.Cracovia acogerá la próxima JMJ en 2016
A sede foi anunciada polo papa Francisco ao finalizar o acto da Xornada Mundial da Xuventude de Río de Xaneiro o 28 de xullo de 2013. Posteriormente anunciouse que se realizaría do 26 ao 31 de xullo de 2016.
Legado de Xoán Paulo II Karol Wojtyła (papa san Xoán Paulo II) naceu na localidade polaca de Wadowice o 18 de maio de 1920, pero identificou a Cracovia como a súa terra natal: ”Aquí, nesta terra nacín. Aquí, en Cracovia, pasei gran parte da miña vida (...) Aquí tamén sentín a vocación ao sacerdocio (...) Aquí, na Catedral de Wawel, fun consagrado bispo”.
A Xornada Mundial da Xuventude iniciouse como unha invitación do papa san Xoán Paulo II aos mozos a reunirse en Roma para o Domingo de Ramos de 1984. Máis de 300 milleiros de persoas asistiron á celebración. En 1985 coincidiu co Ano Internacional da Xuventude das Nacións Unidas. O 20 de decembro dese mesmo ano, o Papa anunciou a primeira Xornada Mundial da Mocidade, de 1986. A Xornada Mundial da Xuventude 2016, en Cracovia, foi a trixésima primeira celebrada.
As Xornadas Mundiais da Xuventude desempeñaron un papel especial no papado de Xoán Paulo II, e tanto o papa Bieito XVI como o papa Francisco levaron a cabo as Xornadas Mundiais da Xuventude instituídas por san Xoán Paulo II, como un símbolo de esperanza para os mozos.
Patróns e intercesores Divina Misericordia Santa Faustina Kowalska San Xoán Paulo II Virxe de Czestochowa
Presenza en liña A arquidiocese de Cracovia puxo en marcha unha páxina web oficial da Xornada Mundial da Xuventude 2016: www.krakow2016.com
Ademais, o evento contou cunha forte presenza nos medios sociais, coas páxinas lanzadas en Facebook, Twitter, Tumblr, Instagram, Google+, Ask, Weebly, Flickr e YouTube.
Nos medios España Televisión 13 TV Rede de televisións locais Popular TV Intereconomía TV TVE Radio Radio María España COPE Radio Inter, Radio Intereconomía RNE
Notas
Véxase tamén
Outros artigos Xornada Mundial da Xuventude
Ligazóns externas Páxina oficial da XMX Cracovia 2016.
Categoría:Catolicismo Categoría:2016 Categoría:Historia de Polonia Categoría:Festas cristiás