A dos cirrinos (Cirrina),Cirrina Grimpe, 1916 no ITIS. tamén coñecidos como cirrados (cirrata),Cirrata no WoRMS. é unha suborde de moluscos, unha das dúas en que se divide a orde Octopoda.Octopoda no WoRMS.
Trátase de octópodos peláxicos que viven en augas abismais, entre os 2 000 e os 4 000 m de profundidade, polo que teñen pouco en común cos octópodos bentónicos, os verdadeiros polbos.
Caracterízanse por teren dúas aletas laterais, e un par de cilios en cada ventosa, dos que carecen os incirrinos ou incirrados (os polbos), ao que alude o seu nome.
Características Inicialmente ambos os grupos de octópodos, cirrinos e incirrinos, foron creados por Grimpe tendo en conta os cirros dispostos ao lado das ventosas situadas debaixo dos brazos. O nome das subordes é evidente, os cirrados teñen un par de pestañas (cirri, en latín) aplicados a cada ventosa, mentres que os incirrinos non as teñen. A diferenza doutros octópodos, os brazos dos cirrinos están limitados por unha unbela ou antuca e non teñen brazo copulador (hectocótilo). Diminuíron a súa rádula, a súa bolsa da tinta e as súas glándulas salivareds posteriores. Estas especies tamén teñen a particularidade de teren unha estrutura interna, un residuo da cuncha que presentan a maioría dos moluscos.
Nutrición Aliméntanse de pequenos crustáceos planctónicos e doutros animálculos, o que explica a perda da rádula e o desenvolvemento dunha umbrela e de cirros para capturaren as súas minúsculas presas.
Clasificación miniatura|210px|Vista oral de Cirrothauma murrayi mostrando as fileiras de ventosas cos seus pares de cirros.
Esta suborde comprende as seguintes tres familias:
Segundo o ITIS:
Suborde Cirrina Grimpe, 1916
Familia Cirroteuthidae Keferstein, 1866 Familia Opisthoteuthidae Verrill, 1896 Familia Stauroteuthidae Grimpe, 1916
Segundo o WoRMS:Cirrata no WoRMS.
Suborde Cirrata
Familia Cirroctopodidae Collins & Villenueva, 2006 Familia Cirroteuthidae Keferstein, 1866 Familia Opisthoteuthidae Verrill, 1896
Para o WoRMS, a familia dos Stauroteuthidae Grimpe, 1916 identifícase coa dos Cirroteuthidae Keferstein, 1866.
Notas
Véxase tamén
Bibliografía Felley, J., Vecchione, M., Roper, C. F. E., Sweeney, M. & Christensen, T. (2001-2003): Current Classification of Recent Cephalopoda. National Museum of Natural History: Department of Systematic Biology: Invertebrate Zoology: Cephalopods Nixon, Marion & John Z. Young (2003): The brains and lives of Cephalopods. Oxford University Press. ISBN 0-19-852761-6. Norman M. D.; Finn J. K. & Hochberg F. G. (2014): "Family Octopodidae". In P. Jereb, C. F. E. Roper, M. D. Norman & J. K. Finn (eds). Cephalopods of the world. An annotated and illustrated catalogue of cephalopod species known to date. Volume 3. Octopods and vampire Squids. FAO Species Catalogue for Fishery Purposes. Rome, FAO. 4 (3): 36-215. Strugnell J. M., Norman M. D., Vecchione M., Guzik, M. & Allcock A. L. (2014): "The ink sac clouds octopod evolutionary history". Hydrobiologia 725: 215-235. Vaught, K. C. (1989): A classification of the living Mollusca, American Malacologists, Melbourne, FL (USA). ISBN 0-9158-2622-4.
Outros artigos Moluscos Cefalópodos
Ligazóns externas Cirrata, en Tree of Life. Cirrate Male Reproductive Tract (Tracto reprodutivo dos cirrados machos), en Tree of Life.
Categoría:Cefalópodos