Raimundo Viejo Viñas, nado en Vigo en 1969, é un politicólogo e político galego radicado en Cataluña.
Traxectoria Licenciouse en Ciencias Políticas pola Universidade de Santiago de Compostela inicialmente e despois doutorouse na mesma e na Universidade Humboldt de Berlín. Como docente universitario, deu clase en Santiago, mais tamén na Chicago, na Pompeu Fabra e na de LausanaPrincipis de la ciutat. Tres paradigmes normatius i la política contenciosa, Fundació Nous Horitzons, 2010, p.2..
Como politicólogo ten tamén escrito en medios de comunicación, como Tempos Novos, Diagonal, La Directa ou Público. Tamén publicou libros que analizan os movementos políticos de raíz social, e en especial o 15-M.
Nos primeiros anos do século militou na agrupación Compostelá de Esquerda Unida, federación galega de Izquierda Unida. Nas eleccións municipais de 2015, preséntase como candidato na lista de Barcelona en Común, unha plataforma de esquerdas e cidadá encabezada por Ada Colau. A candidatura gaña as eleccións, Colau convértese en alcaldesa e Viejo pasa a ser concelleiro de Educación e Universidades no concello de Barcelona. Tamén foi concelleiro de distrito no barrio de Gràcia. Poucos meses despois, Viejo figurou nas listas de En Comú Podem pola provincia de Barcelona nas Eleccións Xerais de 2015, e resultou elixido deputado. A candidatura era de novo unha confluencia de forzas de esquerda e cidadáns de ámbito catalán. Como consecuencia de saír de deputado abandonou o seu posto como concelleiro.
Obra La dansa de Medusa. Barcelona: El Tangram, 2012 (con Marc Montanyès). Les raons dels indignats. Barcelona: Pòrtic, 2011 (editor). Principis de la ciutat. Tres paradigmes normatius i la política contenciosa, Fundació Nous Horitzons, 2010. Tamén ten colaborado en volumes colectivos, entre eles A praza é nosa, de Marcos Pérez Pena (2011) ou 15-M: O pobo indignado'', de Alfredo Iglesias Diéguez (2011).
Vida persoal É irmán do historiador do cinema e escritor Breixo Viejo.
Notas
Véxase tamén
Outros artigos Lista de deputados galegos no Congreso desde a Transición Ligazóns externas Conta de _mundus no Twitter Web profesional
Categoría:Políticos de Podemos Categoría:Politicólogos Categoría:Galegos de Cataluña Categoría:Deputados de Galicia no Congreso dos Deputados Categoría:Deputados do Congreso dos Deputados por En Comú Podem Categoría:Nados en Vigo Categoría:Nados en 1969 Categoría:Concelleiros de Cataluña Categoría:Deputados no Congreso dos Deputados (XI Lexislatura) Categoría:Deputados no Congreso dos Deputados (XII Lexislatura)