Vincent Gerard Nichols, nado o 8 de novembro de 1945 en Crosby, Merseyside (Inglaterra), é un cardeal da Igrexa católica, arcebispo de Westminster e Presidente da Conferencia dos Bispos Católicos de Inglaterra e Gales. Anteriormente foi arcebispo de Birmingham, entre 2000 e 2009. O 22 de febreiro de 2014 o papa Francisco creouno cardeal.
Traxectoria Naceu o 8 de novembro de 1945 en Crosby. Foi ordenado sacerdote da diocese de Liverpool o 21 de decembro de 1969 en Roma polo bispo Paul Casimir Marcinkus.
O 5 de novembro de 1991 o papa Xoán Paulo II nomeouno bispo auxiliar de Westminster e bispo titular de Othona. Recibiu a consagración episcopal o 24 de xaneiro de 1992 na catedral arquidiocesana de mans do cardeal George Basil Hume.
O 15 de febreiro de 2000 foi nomeado arcebispo de Birmingham.
O 3 de abril de 2009 o papa Bieito XVI nomeouno arcebispo de Westminster.
No consistorio do 22 de febreiro de 2014 o papa Francisco creouno cardeal co título de cardeal-presbítero do Santísimo Redentor e Santo Afonso in Via Merulana.
Categoría:Cardeais creados por Francisco Categoría:Nados na Merseyside Categoría:Nados en 1945 Categoría:Bispos católicos do Reino Unido Categoría:Cardeais do Reino Unido Categoría:Alumnos da Pontificia Universidade Gregoriana Categoría:Alumnos da Universidade de Manchester Categoría:Alumnos da Universidade Loyola de Chicago Categoría:Arcebispos da Igrexa católica latina Categoría:Membros da Congregación para as Igrexas Orientais