Manuel Fernández Anidos, nado en Narón o 9 de maio de 1972 é un exfutbolista galego máis coñecido como Manel Fernández, que xogaba na demarcación de centrocampista. Forma a segunda de tres xeracións de futbolistas da mesma familia, sendo fillo de Manuel Fernández Amado e pai de Manuel Fernández Arroyo, sendo os tres centrocampistas.
Traxectoria Comezou a xogar a fútbol na escola Os amigos d'A Malata, de onde pasou ao equipo xuvenil do Racing de Ferrol e de aí ao filial do Celta de Vigo de Terceira División en 1991.
Tras dúas boas tempadas no Celta de Vigo B realiza a pretempada 1993/94 co primeiro equipo baixo as ordes de Txetxu Rojo, ese mesmo ano tamén debutaría coa Selección de fútbol sub-21 de España da man de Javier Clemente. Porén a súa experiencia co Celta en competición oficial limítase ao encontro de debut, ante o FC Barcelona, e catro encontros na Copa do Rei, torneo no que o equipo acadaría o subcampionato.
Ao remate desa tempada deixaría o Celta e volvería ao Racing de Ferrol, por aquel entón en Segunda División B. Dous ano despois probou sorte no Elche CF, co que conseguiu o ascenso a Segunda División, a pesar de que no seu segundo e último ano no equipo descenderon outra vez. Pasados eses dous anos volver ao Racing para xogar cinco tempadas, ao remate da segunda das cales o equipo acadou o ascenso á categoría de prata.
No ano 2003 fichou polo Centro Cultural e Deportivo Cerceda e ao ano seguinte polo Viveiro CF. Finalmente fichou en 2006 polo Narón Balompé Piñeiros, onde se retirou en 2008.
Categoría:Nados en Narón Categoría:Nados en 1972 Categoría:Futbolistas de Narón Categoría:Centrocampistas de fútbol Categoría:Xogadores do Celta de Vigo B Categoría:Xogadores do Celta de Vigo Categoría:Xogadores do Racing de Ferrol Categoría:Xogadores do Elche CF Categoría:Xogadores do CCD Cerceda Categoría:Xogadores do Viveiro CF Categoría:Xogadores do Narón Balompé Categoría:Xogadores da selección de fútbol de España sub-21