Esther Estévez Casado ye una periodista gallega, más conocida como la presentadora del programa Dígocho eu de la TVG, un programa de divulgación p'ameyorar l'usu de la llingua gallega.
Trayeutoria Estudió periodismu na Universidá de Santiago de Compostela, y depués de rematar los estudios en 2019, Esther fixo práutiques na Radio Galega y Nós Televisión. Trabaya nel departamentu de Tiempu Real, nel Área d'Información de la TVG dende setiembre del 2019 y presenta'l programa Dígocho eu ("Dígotelo yo") dende xineru de 2020. Trátase d'un programa diariu de curtia duración que s'esparde per G24.gal, y redes sociales como YouTube, Instagram y TikTok.
El 18 d'ochobre de 2020, Estévez pasó a presentar tamién el programa Cachadas, un espaciu selmanal d'humor que recueye dalgunos de los momentos graciosos de la programación de la TVG. Tien participao n'otros programes de TVG como Luar o l'especial 25 de xunetu de 2022.
Dende'l 17 de mayu de 2021, Esther presenta Dígocho eu nel Twitch de la CRTVG con dos programes selmanales: el primeru, «O reto do #DígochoEu», onde realiza entrevistes y pruebes llingüístiques a personaxes relevantes gallegofalantes; y el segundu, «Apuntamento lusófono», que s'emite dende'l 19 de mayu, que presenta xunto col actor portugués Rodrigo Paganelli, nel que Esther trata d'aprender portugués, y Rodrigo gallegu. Posteriormente, estos programes son xubíos na páxina web y na canal de YouTube de la TVGO actor portugués Rodrigo Paganelli ficha polo #DígochoEu da CRTVG en Twitch.
El 19 de marzu de 2022 recibió'l Premiu Mestre Mateo a la meyor comunicadora na 20ª edición de los premios pol programa Dígocho eu, que tamién ganó'l premiu al meyor programa de televisión. Na 21ª edición, volvió ganar otra vuelta'l premiu a la meyor comunicadora.
En 2023 comenzó a presentar el programa Luar tres de la marcha temporal de Xosé Ramón Gayoso. Estévez siguió collaborando nel programa xunto con Gayoso hasta xunetu de 2025.
En 2026 ye seleicionada como actriz pa participar na coproducción ente la televisión asturiana TPA y la gallega TVG na serie Coworkinaos. Consultáu'l 28 de febreru de 2026.
Gallardones y nominaciones Premiu Mestre Mateo 2022 a la meyor comunicadora por Dígocho eu. Premiu Mestre Mateo 2023 a la meyor comunicadora por Dígocho eu. Premiu Lois Peña Novo de 2025 en reconocencia al so firme compromisu cola promoción ye normalización de la llingua gallega, destacando como presentadora del espaciu de la TVG Dígocho eu.
Referencies
Enllaces esternos
Categoría:Periodistes de Galicia Categoría:Presentadores de televisión de Galicia Categoría:Persones de la provincia d'Ourense