José Antonio de Canga-Argüelles y Cifuentes-Prada foi un políticu, economista y estadista asturianu.
Biografía Yera fíu d'un maxistráu de l'Audiencia d'Uviéu. Entamó a estudiar Filosofía na Universidá d'Uviéu pero al tercer cursu coló a Zaragoza cola so familia onde continuó estudiándola al mesmu tiempu que Lleis y Cánones. Doctoróse en 1791 cuando tenía namás 20 años d'edá. Cuando la so familia torna a Uviéu, él marcha pa Madrid, onde se dedicó a traducir obres clásiques griegues.
Tomó parte activa na resistencia civil a Napoleón y foi un enérxicu miembru de les Cortes de Cádiz. Cola vuelta de Fernandu VII en 1814, condenáronlu a 20 años de cárcel nel castiellu de Peníscola. Lliberáronlu en 1820 depués de la proclama de Rafael del Riego y tres la restauración de la constitución de 1812. En 1822 foi escoyíu de nuevu diputáu nes Cortes Españoles pola provincia d'Asturies y aportó a aportó a ministru de Facienda, anque per pocu tiempu porque lu destituyeron los lliberales moderaos.Ficha nel Congresu de los Diputaos
Obres Recopilación de todas las leyes, ordenanzas y reglamentos del Cuerpo político de los ejércitos de España (6 tomos, 1807) Memoria sobre la cuenta y razón de España (1811) Memoria sobre el crédito público (1820) Memoria sobre el estado de la Hacienda Pública de España (1821) Elementos de la Ciencia de la Hacienda (1825) Diccionario de Hacienda con aplicación a España (1826) Ensayo sobre las libertades de la Iglesia católica de España en ambos mundos (1827) Breve respuesta a la representación de los comerciantes de Londres (1829) Observaciones sobre la «Historia de la guerra de España», que escribieron los señores Clarke, Southey, Londonderry y Napier (1833-1836)
Referencies
Enllaces esternos
Categoría:Políticos y polítiques d'Uviéu Categoría:Economistes d'Asturies Categoría:Diputaos y diputaes pola provincia d'Asturies