La bandera de la Islla de Man o bandera de Man (inglés: flag of Man, manés: brattagh Vannin) ye un trisquel, formáu por trés piernes con armadura y espueles d'oru, sobro un fondu coloráu. Ye la bandera oficial de la Islla de Man dende'l 1 d'avientu de 1932 y ta basada nel escudu d'armes manés, que data del sieglu XIII.Isle of Man Weekly Times, 3 December 1932
Les trés piernes son conocíes en manés cómo ny tree cassyn (n'asturianu, "les trés piernes"). El trisquel ye un símbolu antiguu, usáu polos micénicos y los licianos.
Otres banderes de la islla Nela Islla de Man, amás d'usar la bandera col trisquel nel centru, tamién fai usu d'otres banderes. Basada na primera, esiste un pabellón civil aprobáu'l 27 d'agostu de 1971 por proclamación real. Esta insinia lleva'l trisquel movíu escontra la derecha y añade la bandera del Reinu Xuníu nel cantón cimeru esquierdu. Per otru llau, el parllamentu manés (Tynwald) cuenta cola so propia bandera dende 1971. Esta compuesta por un fondu azul y un barcu mariellu sobro él. Otres banderes son la del vicegobernador de la isla, consistente na Union Jack col escudu manés nel centru y la del Civil Defence Service ("Serviciu civil de defensa"), un grupu de voluntarios surdíu na Segunda Guerra Mundial para ayudar l'exércitu británicu.
Referencies
Enllaces esternos
Categoría:Banderes d'Europa Categoría:Islla de Man