Mägo de Oz ye una banda española de Folk Metal fundada'l 7 de mayu de 1988 pol batería Txus di Fellatio nel barriu de Begoña en Madrid. Primeramente llamóse Transilvania, n'honor al cantar homónimu del sestetu inglés Iron Maiden, y adoptó el nome definitivu de Mägo de Oz en 1989.
Historia
Orixe (1988) miniaturadeimagen|200px|Txus di Fellatio en 2008.
Anque Txus di Fellatio foi educáu dende bien ceo p'apreciar tou tipu de música, y n'especial sentíase atraíu pol heavy metal y la música celta, dedicárase a la so pasión pol fútbol, y dende 1980 xugaba nel Real Madrid. Sicasí, sería a finales de 1988 cuando decidió alternar la so carrera de futbolista cola música y, en compañía de Juanma y Pedro, formaron una banda de rock. El nome escoyíu sería Transilvannia666, y foi una forma d'honrar a los sos ídolos, los ingleses Iron Maiden. De fechu, diendo a ver a esti grupu británicu al festival de Donington, Txus conoció a Óscar Sancho.
Dempués camudaron el nome pol definitivu Mägo de Oz. Según comenta'l mesmu Txus:
Y ye asina como la primer formación de la banda se da con Juanma en voz y guitarra rítmica, Pedro na guitarra solista, David nel baxu y dellos coros, y Txus a la cabeza cola batería, voz y composición. Dende esta dómina y hasta anguaño, Txus ye quien compón la mayoría de los cantares.
Primeros años En 1989 graben la so primer maqueta, denominada «¿Y qué más da?», que contién trés tarrezas con un marcáu estilu urbanu-sinfónicu, que los sos títulos son «Para ella», «Y qué más da» y «Rompe las barreras». Xunto con estos trés cantares propios, Mägo de Oz crea un repertoriu basáu en temes de bandes como Tequila, Asfaltu, Topu y Iron Butterfly, colos que trabayen nel so primer llocal d'ensayu asitiáu en Fuencarral (Madrid). A esto ayuda que Txus, Juanma y Pedro vivieren nel barriu madrilanu Virgen de Begoña.
Nesi mesmu añu Mägo de Oz fai la so primer actuación importante, que tuvo llugar en Segovia, y pertenecía a la programación de les fiestes del Partíu Comunista d'España nesta ciudá. Xunto con Mägo de Oz y la extinta banda Dama Feudal.
Nel iviernu de 1989, Mägo de Oz ficha a dos nuevos guitarristes, Paco (guitarra rítmica) y Chema (guitarra solista y compañeru de Txus nel Real Madrid). Amás, intégrase un teclista, llamáu Alfonso. El soníu de Mägo de Oz endurezse considerablemente y avera'l so estilu a grupos de heavy metal d'esa dómina como Hiróxima y Bon Jovi.
Los yá sumíos estudios Kirios grábenlos totalmente gratis la so segunda maqueta llamada Canción de cuna pa un bohemio. Nesta nueva entrega apaecen les siguientes temes: «Lágrimas de guitarra», «Mirando tras unos cristales», «Solo en la ciudad» y «Canción de cuna para un bohemio», tema que más tarde se denominaría «Mägo de Oz».
Mientres esi añu, Mägo de Oz fai conciertos per tou Madrid, pero Txus sigue entornáu más nel fútbol (acababa de roblar un contratu con un equipu de 1ª división de fútbol sala), razón pola que la banda yera pa él daqué bien secundariu nel so orde de preferencies.
En 1992 la banda per tercer vegada entra a un estudiu pa grabar otra maqueta. Txus precisaba un violín pa la tema «El Tango del donante», un cantar irónicu na que Txus entemecía'l rock con un tangu arxentín, polo que llama a un vieyu amigu del institutu llamáu Carlos Prieto, al que toos moteyen "Mohamed", que va introducir a la banda'l soníu de violín que caracterizó al grupu hasta'l día de güei. La resultancia foi estelante, y Mohamed decidió nun abandonar la banda, énte la insistencia de Txus; hasta güei ye ún de los miembros más conocíos del grupu. Según cuenta na so biografía, Txus preguntó-y al violinista si sabía dalguna melodía folk, a lo que Mohamed sonrió y entamó a tocar «Sueños diabólicos», cantar d'estilu folk que tovía sigue interpretándose en gran cantidá de conciertos. Asina, nesta maqueta Mohamed interpreta otra tema instrumental de violín, «Gerdúndula». Finalmente, la maqueta se produz col nome de Con la cabeza bien alta, y taba conformada poles temes «Maruja», «Rock Kaki Rock», «Gerdúndula», «Para ella» (versión 1992), «El tango del donante» y «No seas pesá».
A principios de 1992, Alfonso, al cargu de los teclaos, abandona la formación siguiendo'l deséu espreso de Mohamed. De la mesma, Paco, na guitarra rítmica, tamién dexa'l grupu. Entra n'escena Charlie, un esperimentáu guitarrista que va dar más durez a les nueves composiciones. Nesi mesmu añu Mägo de Oz graba la so cuarta y última maqueta. Les temes escoyíes foron: «T'esnucaré contra'l bidé», «Lo que el viento se dejó» (cantada por Txus y dedicada al entós presidente del gobiernu, Felipe González), «Nena», «El lago» y «Por ti cariño». Esta maqueta tuvo un atayante ésitu polos circuitos underground de Madrid. Esto lléva-yos participar nel concursu Villa de Madrid, quedando finalistes del mesmu. Txus abandona definitivamente'l fútbol pa dedicar el so esfuerciu y enerxía a Mägo de Oz, siendo'l primer pasu pidir emprestáu al so padre un millón y medio de les antigües pesetes p'autoproducise'l so primer discu, una suma de dineru que tardaríen cuatro años en devolver.
Enantes de grabar esti discu, Chema dexa'l grupu pa dedicase a los sos estudios en Derechu, polo que Charlie lleva al llocal al guitarrista de nome Juan Carlos Marín, moteyáu "Carlitos". Nun fizo falta muncha tiempu pa que'l nuevu guitarrista s'adaptara al grupu. Asina, la formación p'anguaño cuntaría con Juanma na voz, Carlitos na guitarra rítmica y banjo, Charlie na guitarra solista, Salva nel baxu, Txus na batería, Tony Corral nel saxofón y Mohamed nel violín. Pa esi momentu Mägo de Oz ye convidáu a tocar na Esposición de Sevilla énte más de 100.000 persones, siendo'l conciertu un ésitu atayante.
A mediaos de 1994, y mientres un mes enteru, dedicáronse a grabar el que va ser el so primer discu d'estudiu, de nome homónimu a la banda, anque a metá de la grabación d'esti, el guitarrista Charlie abandona la banda por problemes personales, polo que Chema torna per segunda vegada y Carlitos pasa a encargase de la guitarra solista. El discu, primero llanzáu'l 1 d'ochobre, nun tuvo enforma ésitu (non más de 150 copies vendíes nel primer añu), debíu principalmente a la so mala distribución. Esta dómina negra de Mägo de Oz provocó la salida definitiva de Chema y Juanma.
Llegada de José Andrëa, Jesús de Chamberí (1995-1997) miniaturadeimagen|200px|José Andrëa cantando en vivu en Barakaldo D.F.
En 1995 en vistes de l'ausencia d'un vocalista, xunióse a la formación l'artista Auri, anque solo grabaría unes maquetes del discu enantes d'una rápida salida'l grupu. Txus, en busca d'un nuevu vocalista, visita una academia de música, onde pide que un mozu talentosu. Ye ellí onde Txus conoz a José Andrëa, y ésti ufiértase como voz pa la nueva formación. Dicha formación perduraría mientres dellos años y taría compuesta por José Andrëa na voz, Carlitos na guitarra solista, Frank na guitarra rítmico y acústico, Salva nel baxu, Mohamed nel violín y Txus na batería.
Nesi añu entamaron a grabar el discu Jesús de Chamberí que yera una ópera rock producida por Alberto Plaza y Mägo de Oz, editáu pola compañía discográfica Locomotive Music y publicáu'l 3 d'ochobre. Esti foi'l primer álbum conceptual de la banda, que narra una hestoria escrita por Txus. Nesti nuevu trabayu, Mägo de Oz avera la so música a un rock más maduru y más heavy, soníu que-yos fai más conocíos. Yá en 1997, el grupu graba de nuevu cinco cantares del so primer trabayu, esta vegada con José na voz; esti trabayu que se publicara col nome de La bruja, reconocíu na actualidá pola so portada del artista Gaboni, onde pue apreciase a una bruxa que ta tocando'l violín. Dicho dibuxu se convirtió nun iconu reconocíu ente los siguidores y la mesma banda, apaeciendo de nuevu en delles de les portaes de discos posteriores (na so mayoría, tamién a manos de Gaboni).
Catapulta al ésitu, Finisterra (1998-2002) En 1998 graben el discu conceptual La leyenda de La Mancha, inspiraos pola novela de Miguel de Cervantes Don Quixote de la Mancha. Ellí cúntase la hestoria de Don Quixote d'una forma peculiar, amosándolo con estilu roqueru y un poco más allunáu que l'orixinal. La quinta tema d'esti álbum, «Molinos de viento», foi un atayante ésitu, polo que foi llanzáu como un senciellu en 2002 al pie d'un videoclip. Darréu, la banda programa dos xires, nuna de les que per primer vegada visiten el continente americanu. Les xires tán rellacionaes con esti álbum y foron titulaes «De ida y vuelta de Rocinante tour» y «Molinos de viento en América».
Trés un añu de producción, el 7 d'ochobre de 2000 llancen el so quintu álbum d'estudiu, siendo'l so primer discu doble, que lleva por títulu Finisterra. Nesti álbum s'escucha un soníu más maduru y con munchos más arreglos que nos sos trabayos anteriores. La temática del discu foi una mini novela escrita pol líder y batería el grupu, Txus di Fellatio, remembrando un sentíu míticu. Finisterra convirtióse nel discu más vendíu en Madrid nuna selmana. Pa esta producción s'incorporaron al grupu Sergio Cisneros «Kiskilla» a los teclaos y Fernando Ponce a los vientos. El primer senciellu d'esti discu foi «Fiesta pagana» al que darréu se-y fadría videoclip, el segundu senciellu llanzáu ye «El que quiera entender, que entienda» y el terceru ye «La danza del fuego». Xunto a esti últimu, llánzase un cómic de Gaboni tituláu Cuentos de Satania basáu na historia conceptual del álbum.
N'ochobre de 2002 llancen un álbum en directu que recueye las temes interpretaes mientres la xira, tituláu Fölktergeist, el cual grabóse nes Fiestes del Pilar, en Zaragoza (na carpa «Interpeñas», entós daquella asitiada nel recintu ferial de la cai Miguel Servet de la ciudá). Debíu al ésitu de la xira y el discu, la banda s'embarcó n'otra xira llamada «Apechugando Tour», del cual d'edita un DVD, publicáu en 2003, llamáu A Mariña da Rock, grabáu na villa coruñesa de Cedeira y con una de les primeres escenografíes de la so historia: un campusantu. Esta xira foi una gran innovación a nivel d'espectáculu n'España, onde los grandes montaxes escénicos tovía nun llegaren. Ye nesti momentu cuando Salva decide abandonar el grupu por cuenta de problemes con Txus, sustituyéndo-y el baxista Sergio Martínez, ex miembru d'Ankhara.
La formación dempués d'esta etapa, y que perduraría hasta 2004, tenía a José Andrëa como vocalista, Carlitos na guitarra solista, Frank na guitarra rítmica, Sergio Martínez nel baxu, Mohamed nel violín, Fernando Ponce na flauta traversa, whistle y pito castellán, Kiskilla nos teclaos, sintetizadores y acordión y Txus na batería.
Aniversariu polos 30 años, Diabulus in Opera y nuevu guitarrista (2017-2018) Nuna entrevista fecha pa MariskalRock n'ochobre del 2016, Txus anunció que la banda taba preparando un conciertu al pie de la Orquesta Sinfónica de Méxicu na Arena Ciudá de Méxicu, sol nome Diabulus in Opera, el cual sería grabáu en formatu DVD. Esti conciertu terminó faciéndose'l 6 de mayu de 2017 cuntando con más de 18.000 persones, enllenando por completu'l coliséu. El llistáu de cantares del conciertu nun foi ún habitual que la banda utilizara con anterioridá, camudando les sos temes más representatives por unos más complexos y acoplaos a la orquesta sinfónica. Recálcase la participación nel conciertu de Leo Jiménez como vocalista en «La Cantata del Diablo (Missit me Dominus)», de Manuel Seoane como guitarrista en Sueños Dormidos» y «La Cantata del Diablo (Missit me Dominus)», y d'Anono como batería en «No Pares (D'Oyer Rock & Roll)». Amás, per primer vegada na hestoria, «Molinos de viento» nun s'interpreta nun conciertu de la banda dende la so salida en 1998.