Chega! ye un partíu políticu portugués de calter nacionalista y lliberal. Ñaz en 2018 d'una dixebra nes files del Partíu Socialdemócrata (PSD). André Ventura ye'l so líder y únicu diputáu na Asamblea de la República.
Historia Na primer convención de CHEGA, André Ventura foi escoyíu líder del partíu, col sofitu del 94% de los votantes. Tamién foron escoyíos los cabezaleros de llista pá les eleiciones.
Acordóse qu'André Ventura sería'l cabezaleru nel distritu de Lisboa y Hugo Ernano sería'l cabezaleru nel distritu d'Oporto, militar de la GNR condergáu por matar un mozu mientres una persecución.
Foi anunciáu que'l partíu va presentar un candidatu propiu a les eleiciones presidenciales de Portugal de 2021. Dixo tamién que va aconceyar col líder del partíu políticu Vox, Santiago Abascal.
Ideoloxía y programa Defínese como un partíu políticu de base y natureza lliberal, democrática, conservadora y personalista. CHEGA se declara como «fundamental pa protexer la dignidá de les persones, escontra toles formes de totalitarismu, asina como la promoción del bien común, la defesa del estáu, la promoción d'una xusticia efeutiva y l'amenorgamientu de la presencia del Estáu na economía». CHEGA «refuga'l "racismu, xenofobia y toa forma de discriminación"», «quier "igualdá d'oportunidaes" pa los portugueses y apuesta pol "combate escontra la corrupción"». Afirma «defender los valores civiles de les sociedaes de matriz europea».
El partíu apreséntase como «conservador social e nacional», anque'l so líder, André Ventura, «tien posiciones socialmente progresistes», defendiendo'l drechu al albuertu, el reconocimientu de les xuniones homosexuales (pero non el matrimóniu), y la llegalización de la prostitución. Ye un partíu conservador, lliberal, «centráu nos valores de la familia tradicional». Afirma «inspirase nel pensamentu d'autores como Locke, Montesquieu o Burke», nomes que influyenciaran nel pensamentu lliberal conservador del sieglu XIX.
Resultaos eleutorales
Eleiciones llexislatives AñuCabezaleruPuestuVotos%DiputaosStatus2019André Ventura7ᵘ66.4421,30%Oposición
Eleiciones europees AñuCabezaleruDiputaos2019Basta!
Ver tamién Vox
Referencies
Enllaces esternos
Categoría:Partíos políticos de Portugal Categoría:Partíos conservadores Categoría:Partíos políticos nacionalistes