Alfredo Canteli Fernández ye un políticu asturianu, alcalde d'Uviéu dende'l 15 de xunu de 2019.
Biografía Ñaz na aldea tebergana de Prau (Santianes), con 11 años treslladóse a Valladolid pa estudiar Bachilleratu. A los 17 años tornó a Uviéu y estudió la carrera de Mines, anque nun llegó a terminala. Nel so llugar dedicóse a la banca, llegó a direutor rexonal de Banesto n'Asturies.
Foi presidente del Centru Asturianu d'Uviéu más de 19 años, cargu qu'abandonó en 2019 pa centrase na so actividá política.
Foi designáu cabeza de llista del Partíu Popular al Conceyu d'Uviéu pa les eleiciones municipales de 2019, sustituyendo a Agustín Iglesias Caunedo. La llista liderada por Canteli llogró 9 conceyales. El 15 de xunu de 2019 foi investíu alcalde col sofitu de los 5 conceyales de Ciudadanos y cola astención de los 2 conceyales de Vox.
Ver tamién Alcalde d'Uviéu
Referencies
Enllaces esternos
Categoría:Políticos y polítiques d'Asturies Categoría:Políticos y polítiques del Partíu Popular Categoría:Alcaldes y alcaldeses d'Uviéu Categoría:Persones de Teberga Categoría:Alcaldes y alcaldeses del Partíu Popular