L'alerxa (αλλεργία del gr. otru trabayu, reaición estraña) ye una respuesta de defensa esaxerada del organismu cuando entra en contautu con determinaes sustancies que remanecen del esterior o que'l organismu identifica como "agresives". Estes sustancies capaces de provocar una reaición alérxica conócense como sustancies alerxéniques o alérxenos.
La especialidá médica qu'estudia les enfermedaes venceyaes con procesos alérxicos ye la alergoloxía. L'alergoloxía ta pervenceyada cola inmunoloxía, la dermatoloxía y la neumoloxía, yá que nos procesos alérxicos intervién el sistema inmunolóxicu, y les sos manifestaciones apaecen davezu na piel y nel aparatu respiratoriu.
Nun ha de se tracamudar l'alerxa a alimentos cola intolerancia a los alimentos, que ye la incapacidá de consumir ciertos alimentos o nutrientes ensin sufrir efeutos alversos sobre la salú. Los efeutos puen ser más o menos rápidos sobre la salú. La intolerancia a los alimentos destremase de les alerxes en qu'estes últimes provoquen una respuesta del sistema inmune, activando la Inmunoglobulina E (IgE); y les intolerancies non.
Menes d'alerxa thumb|200px|Ácaru Alerxa a alimentos Alerxa al polen Alerxa a los ácaros del polvu Alerxa a les picadures de ciertos inseutos (por exemplu: abeya) Alerxa a los animales
Ver tamién Alerxa a alimentos Intolerancia a los alimentos Anafilaxa Asma Atopia Síndrome Químicu Múltiple (SQM) Urticaria
Referencies
Enllaces esternos Alergoloxía (Noticies y información alredor de les alerxes) Más información sobre l'Alerxa
Categoría:enfermedaes