El ramu Nadal (o ramu de Navidá) ye un ornamentu d'orixe paganu recuperáu nos caberos años pel Nadal.
N'Asturies, les presencies constataes más antigües tán en Cuñaba, Peñamellera baxa, Cangas del Narcea, ya Ibias.https://www.elcomercio.es/aviles/asturias-arbol-ramu-20171129001126-ntvo.html El ramu Nadal, tamién ta documentáu nes provincies d'Ávila, Cantabria, Palencia, Zamora, Salamanca y, especialmente, en Lleón, onde recibe´l nome de Ramu Llionés.
La llocalidá abulense de Serranillos, al sur d'Ávila, aínda caltién viva la tradición del «ramo de navidad».http://losrecursosdelbosque.blogspot.com.es/2012/12/el-ramo-de-navidadcon-los-mejores-deseos.html (Consulta: 16-2-2014)
Aspeutu del ramu
N'Asturies, el ramu consiste nuna cadarma de madera de forma triangular, fechu con fueyes de texu, abetu o carrascu nel que s'alluguen 12 veles simbolizando los meses del añu. Del mesmu cuelguen estremaes ofrendes, como chorizos, rosquielles y frutes, asina como elementos ornamentales como filos de llana, puntilles, bordaos..https://cpprietobances.wordpress.com/2017/12/24/ramo-de-navidad-ramu-nadal/ L'armazón principal sofítase nuna vara madera allugada verticalmente con una peana que fai de sofitu pa tola cadarma. Tamién, al pie del ramu, suel ponese un cestu con castañes o nueces. N'otres zones pue ser semicircular o cuadráu.
Historia
Los oríxenes del ramu paecen remontase a dómines precristianes, nes que'l ramu (entendíu como una caña d'árbol en sí) tenía un caráuter votivu como cultu a la fertilidá o como ofrenda a espíritus proteutoreshttp://asociaciontrebeyu.blogspot.com/2017/12/taller-vistir-el-ramu-vestir-el-ramo.html, y que se celebra nel solsticiu d'iviernuhttp://asociaciontrebeyu.blogspot.com/2016/12/ramu-de-navidad.html como preludiu de la primavera. Ye, poro, un símbolu paganu asimiláu pola Ilesia, seique al traviés de les pastoraes (pequeños autos de Nadal que se celebraben nos atrios de les ilesies en Lleón, Zamora, Salamanca y Asturies) y que anguaño tien sitiu ente les celebraciones navidiegueshttps://www.elcomercio.es/asturias/mas-concejos/tradicion-navidena-llega-20181129004238-ntvo.html.
La tradición evolucionó del ramu natural a la cadarma de madera anteriormente explicada, dablemente por influencia del tenebrariu esistente dientro de los templos parroquiales au inicialmente s'allugaben. Más tarde empezaron a allugase dientro de les cases, d'un mou asemeyáu al árbol de navidá.
Referencies
Categoría:Cultura d'Asturies Categoría:Provincia de Lleón Categoría:Navidá