Klaus Barbie Altmann foi un criminal de guerra alemán que se desempeñó como un altu oficial de les SS y de la Gestapo mientres el réxime nazi, que tuvo arreyáu en numberosos crímenes de guerra escontra la humanidá mientres la Segunda Guerra Mundial, especialmente en Francia. Yera conocíu como «El carniceru de Lyon» porque torturó personalmente a prisioneros franceses de la Gestapo mientres taba destináu en Lyon.
Salváu de la detención polos servicios secretos estaduxunidenses y les Ratlines, colos que Barbie collaborara enantes, pasó darréu a vivir y a collaborar con Bolivia.
Al igual que Mengele escondióse en Brasil y Eduard Roschmann fizo lo mesmo en Paraguái, él tamién escoyó Sudamérica, dada la falta d'infraestructura institucional que dexaba ciertu marxe de maniobra a individuos con talos antecedentes. Aínda más, cuando l'alliniadura ideolóxica de los gobiernos suramericanos con Estaos Xuníos en dómines de la Guerra Fría asitióse nel anticomunismu, estos criminales aportaron a ser riquíos como collaboradores, recibiendo grandes beneficios de parte de los gobiernos.
Nel casu de Barbie eso viose reflexao en privilexos comerciales de parte del gobiernu de La Paz. Finalmente la variable situación política de Bolivia llevó a qu'en 1983 fuera espulsáu a Francia, au foi xulgáu y condergáu a cadena perpetua. Foi acusáu de la muerte o estradición de 840 persones (ente elles 41 neños xudíos que s'atopaben nun centru católicu estudiando) y finalmente condergáu por 341 cargos. Ente ellos la muerte del máximu dirixente de la resistencia na Francia de Vichy.
Referencies
Categoría:Criminales de guerra Categoría:Persones de Bonn