The Verdict ye una película d'Estaos Xuníos de 1982 dirixida por Sidney Lumet y protagonizada por Paul Newman, Charlotte Rampling, James Mason y Jack Warden nos papeles principales.
En 2008 foi escoyida col númberu 4 del AFI's 10 Top 10 na categoría de los meyores drames xudiciales d'Estaos Xuníos de tolos tiempos, según l'American Film Institute (AFI).
Argumentu Frank Galvin ye un abogáu de cierta edá veníu a menos que pasa'l tiempu bebiendo y faciendo pequeños trabayos. Un antiguu sociu, Mickey Morrissey, recuérda-y el casu d'un error médicu cometíu nun hospital, qu'inda nun concluyó, y nel que Galvin interviniera. Galvin realiza un gran esfuerciu pa trabayar de nuevu de forma profesional y pescuda qu'esti casu podría ganase en xuiciu en favor de los familiares de la víctima. A midida que prepara'l casu recibe ufiertes económiques pa iguar l'asuntu ensin dir a xuiciu. Pero Galvin ta dispuestu a xuga-y lo tou, pa consiguir una importante indemnización pa los familiares y pa refaese como abogáu.
Sicasí, la parte contraria, dirixida pol abogáu Ed Concannon, tamién ta decidida a ganar el casu seya como quier y ta decidida a consiguilo utilizando inclusive tou tipu de medios puercos pa ello hasta'l puntu d'inclusive sobornar a una ayudante so, Laura Fischer. Tamién el xuez ta en contra de Frank y tou finalmente va depender del veredictu final.
Repartu Paul Newman - Frank Galvin Jack Warden - Mickey Morrison Charlotte Rampling - Laura Fischer James Mason - Ed Concannon Milo O'Shea - Xuez Hoyle Lindsay Crouse - Kaitlin Costello
Premios
Premios Óscar Añu Categoría Persona Resultancia1982 Óscar a la meyor película 1982Óscar a la meyor direición Sidney Lumet 1982Óscar al meyor actor Paul Newman 1982Óscar al meyor actor de repartu James Mason 1982Óscar al meyor guión adautáu David Mamet
Otros Premios Premiu David di Donatello (1982): Meyor actor estranxeru (Paul Newman) Globos d'Oru (1982): 5 Nominaciones, incluyendo meyor película - Drama Sindicatu de Guionistes (WGA) (1982): Nominada a Meyor guión adautáu drama
Comentarios El guión nun tien rellación dalguna col casu de Karen Ann Quinlan. Bruce Willis y Tobin Bell apaecen como extras nuna escena del filme.
Referencies
Enllaces esternos
Categoría:Películes dramátiques Categoría:Películes sobre xuicios Categoría:Películes candidates al premiu Óscar a la meyor película