thumb|Los miembros de la Unión de la Llingua Neerlandesa |290px
thumb|Onde se fala neerlandés|290px
La Unión de la Llingua Neerlandesa (neerlandés: Nederlandse Taalunie) ye la entidá encargada de la proteición y promoción de la llingua neerlandesa, falada nos Países Baxos, Bélxica (la rexón de Flandes) y Surinam. Los mentaos Estaos, por aciu la Taalunie (nome de la ULN en neerlandés), tuvieron trabayando xuntos nes polítiques llingüístiques y na enseñanza del idioma y de la so lliteratura.
L'orixe de la Taalunie remontar a 1980 cuando los Países Baxos y Flandes roblaron el tratáu de fundación. En 2004, añadióse-yos Surinam (antigua Guyana neerlandesa, n'América del Sur). Últimamente l'oxetivu fundamental de la entidá ye'l de garantizar l'usu del neerlandés en toles situaciones cotidianes posibles, sobre manera les rellacionaes coles nueves tecnoloxíes, terrén nel cual el neerlandés llucha con bastante desventaxa frente al inglés, yá que la mayoría de falantes de neerlandés son práuticamente billingües col inglés.
Nun formen parte de la organización países como Sudáfrica o Namibia, nos cualos ye oficial el afrikaans, idioma deriváu del neerlandés ya intelixible con ésti, Indonesia, onde l'idioma foi pasu ente pasu deasapareciendo dempués de la so independencia, anque nos últimos años ta alicando pol interés de les xeneraciones más nueves por aprendelo o les islles que componíen les antigües Antilles Neerlandeses, una y bones éstes siguen perteneciendo a Países Baxos magar tener una autonomía pola cual funcionen na práctica como estaos independientes.
Referencies
Enllaces esternos Páxina web de la Unión de la Llingua Neerlandesa (n'inglés y neerlandés).
Categoría:Idioma neerlandés Neerlandés Categoría:Rellación Bélxica-Países Baxos
Categoría:Wikipedia:Correxir/Revisar títulu