Liberanimo ye una asociación esperantista, fundada en Teruel (España) en 2016.
Historia El 25 de mayu de 2016 tuvo llugar a presentación a l'alcaldesa de Teruel, Emma Buj, de la nueva asociación esperantista "Liberanimo" de Teruel, y el so presidente, Alberto Granados, propunxo que'l Conceyu dedicara una plaza al Esperantu y que presentara la candidatura de Teruel como sede del Congresu Español d'Esperantu de 2017. En setiembre de 2016 empecipióse un cursu d'Esperantu en Teruel, con bona acoyida per parte del públicu.
El 76º Congresu Español d'Esperantu Foi entamáu pola asociación esperantista "Liberanimo" de Teruel, el mesmu añu en que se celebra'l 800 aniversariu de la hestoria de los "Amantes", y celebróse en Teruel del 23 al 25 de xunu de 2017. Asistieron más de 150 esperantistes de 15 países. Celebróse tamién el centenariu de la muerte del autor del Esperantu.
Mientres el cogreso presentóse'l llibru "La cai Zamenhof" pol so autor, el polacu Roman Dobrzynski, ya inauguróse la "Plaza del Esperantu" nel barriu de Santuyano.
Nel centru universitariu hubo una esposición y venta de llibros d'esperantu, cursos intensivos d'esperantu, exámenes orales en diversos niveles sedún el cuadru de referencia européu pal aprendizaxe de les llingües, una esposición sobre l'arquiteutu turolense Francisco Azorín que tamién foi un políticu socialista, un homenaxe al cineasta Luis Buñuel, cola proyeición de la película "Un perro andaluz" subtitulada n'Esperantu. Nes oficines de la "Caxa Rural" na Plaza del Torico, hubo una esposición filatélica y otru sobre'l Dr. Zamenhof, inventor y difusor del esperantu. Fueron destacables les representaciones musicales del suecu Martin Wiese y del grupu musical holandés Kajto Kvaropo.
Referencies
Enllaces esternos
Categoría:Organizaciones del esperantu Categoría:Organizaciones ensin ánimu d'arriquecimientu Categoría:Organizaciones con sede en Teruel Categoría:Esperantu