Iván San Miguel Pérez ye un ex-ximnasta español que compitió na disciplina de ximnasia artística.
Biografía deportiva En 2005 foi 6º clasificáu en saltu na Copa del Mundu de São Paulo, y nos Xuegos Mediterráneos de 2005 n'Almería, llogró l'oru por equipos y la plata en saltu. En 2006 foi 8º n'argolles na prueba de la Copa de Mundu de Lyon y 6º n'argolles na de Moscú. Quedó 6º clasificáu nel Mundial de 2007 por equipos. Formó parte del equipu español de ximnasia artística pa los Xuegos Olímpicos de Beixín 2008.Los seis olímpicos españoles de ximnasia artística masculina, nel Marca Participó nel concursu xeneral por equipos, quedando na 11ª posición. L'equipu español en Beixín taba integráu por Iván, Isaac Botella, Manuel Carballo, Gervasio Deferr, Rafael Martínez y Sergio Muñoz. En 2010 foi bronce n'argolles y saltu de potru na Copa del Mundu de Porto. Retiróse en setiembre de 2013.
Palmarés 6º clasificáu en saltu na Copa del Mundu de São Paulo en 2005. Medaya d'oru nos Xuegos Mediterráneos de 2005 por equipos. Medaya de plata nos Xuegos Mediterráneos de 2005 en saltu. 8º clasificáu n'argolles na prueba de la Copa de Mundu de Lyon en 2006. 6º clasificáu n'argolles na prueba de la Copa de Mundu de Moscú en 2006. 6º clasificáu nel Mundial de 2007 por equipos. 11º clasificáu nos Xuegos Olímpicos de Beixín 2008 por equipos. Bronce n'argolles y saltu de potru na Copa del Mundu de Porto en 2010.
Premios, reconocencies y distinciones Meyor Deportista Universitariu na Gala del Deporte Asturiano de 2005, dau pola Asociación de la Prensa Deportiva d'Asturies (2006) Reconocencia na Gala del Deporte Asturiano de 2008, dau pola Asociación de la Prensa Deportiva d'Asturies (2009)
Notes aclaratories
Referencies
Enllaces esternos
Páxina web oficial d'Iván San Miguel
thumb|left|300px|Iván San Miguel (centru) na Copa del Mundu de Moscú 2006.
Categoría:Persones de Piloña Categoría:Ximnastes d'Asturies Categoría:Deportistes nos Xuegos Olímpicos de Beixín 2008