Gerónimo Valdés de Noriega foi un militar y políticu asturianu, vizconde de Torata y conde de Viḷḷarín.
Biografía Estudió Derechu na Universidá d'Uviéu, onde s'enteró de la invasión francesa d'España en 1808, apuntándose como voluntariu. La so situación d'estudiante universitariu y la falta d'oficiales, facilitó-y, prontamente, ser nomáu capitán y terminó la guerra contra Napoleón col grau de teniente coronel.
Abandonando, definitivamente, los sos estudios, viaxó a América xunto a José de la Serna y Hinojosa en 1816. N'intriga con otros militares, collaboró cola destitución del Virréi de Perú, Joaquín de la Pezuela, por De la Serna. Aportó a Mariscal de Campu, destacando poles sos aiciones nes batalles de Torata y Corpahuaico. Tres el desastre d'Ayacucho, tornó a España vía Francia en 1824.
Tres la muerte de Fernando VII y siendo Teniente Xeneral participó nel exércitu cristino en favor de la causa de la reina Sabela II contra'l so tíu Carlos María Isidro de Borbón na Primer Guerra Carlista.
Fuera nomáu por María Cristina de Borbón ministru de la Guerra en 1834, pero en setiembre de 1835 decidió faese cargu personalmente del mandu del Exércitu del Norte. A los pocos díes de llegar a Vitoria, coló con un poderosu exércitu a les Amescoas en Navarra a enfrentase con Zumalacárregui, sufriendo ellí la desastrosa Aición de Artaza mientres los díes 20 a 22 d'abril de 1835. Abellugáu en Logroño, recibió la visita de Lord Elliot, roblando equí'l 27 d'abril de 1835 el llamáu Conveniu lord Elliot que díes antes yá roblara Zumalacárregui en Asarta, por aciu el cual, básicamente, alcordáronse respetar en delantre la vida de los soldaos fechos prisioneros y trocalos siempres que fuera posible realizalo.
Tres la llegada del so antiguu subordináu y amigu Baldomero Espartero a la Rexencia d'España mientres la minoría d'edá de Sabela II, foi nomáu Capitán Xeneral de Cuba.Xuiciu de residencia de Gerónimo Valdés. Foi diputáuCongresu de los Diputaos d'España: Archivu históricu de diputaos. y senadorSenáu d'España: Espediente personal del Conde de Villarin, D. Gerónimo Valdés, Prócer y Senador pola provincia de Valencia y Vitaliciu. y escribió una hestoria de la independencia de Perú.
Ta consideráu como l'asturianu mas importante del sieglu XIX, como profesional del exércitu y ensin les connotaciones polítiques de Riego o San Miguel.
Condecoraciones A lo llargo de la so carrera militar recibió les siguientes condecoraciones:
Caballeru gran cruz de la Orde de Carlos III. Caballeru de la Orde d'Isabel la Católica. Cruz Gallardoniada de San Fernando. Caballeru de la Orde de San Hermenegildo.
Referencies
Enllaces esternos
Categoría:Xenerales d'España Categoría:Militares d'Asturies Categoría:Virréis de Navarra Categoría:Diputaos y diputaes d'España Categoría:Senadores d'España Categoría:Ministros y ministres de la Guerra d'España Categoría:Capitanes xenerales de Cuba Categoría:Capitanes xenerales de Cataluña Categoría:Casa de Valdés Categoría:Persones de Somiedo