Francisco Javier Cienfuegos Xovellanos foi un sacerdote, obispu y cardenal asturianu.
Biografía Yera sobrín del políticu Gaspar Melchor de Xovellanos y del arzobispu de Sevilla Alonso Marcos de Llanes Argüelles. Realizó los sos estudios eclesiásticos en Sevilla, ordenóse como sacerdote en 1789 y algamó el grau de doctor en Teoloxía en 1794. El 21 de febreru de 1819 foi nomáu Obispu de Cádiz, mientres el so periodu nesta ciudá amosóse firme partidariu del absolutismu, apexó en tou momentu cualquier intentu de reforma lliberal y publicó una pastoral na qu'atacó duramente'l llevantamientu de Riego a favor de la constitución de 1812.Julio Pérez Serrano: La Casa de Expósitos de Cádiz na primer metá del sieglu XIX: meyores y retrocesos de la reforma lliberal nel sistema benéficu. Consultáu'l 14 d'abril de 2011
El 26 d'ochobre de 1824 foi nomáu Arzobispu de Sevilla y el 13 de marzu de 1826 recibió'l nomamientu de Cardenal col títulu de Santa María del Popolo pol Papa Lleón XII. Nel añu 1836, por cuenta del so sofitu al carlismu foi desterráu a Alicante, onde finó'l 21 de xunu de 1847, ensin que llegara a reincorporase a la so sede episcopal a pesar de que se llevantó'l castigu del destierru en xineru de 1844. Los sos restos mortales fueron treslladaos a Sevilla en 1867 y atópense soterraos nun mausoléu neogóticu asitiáu na Capiya de la Concepción Grande de la Catedral de Sevilla.The Hierarchy of the Catholic Church Current and historical information about its bishops and dioceses. Consultáu'l 14 d'abril de 2011
Referencies
Enllaces esternos
Categoría:Cardenales d'Asturies Categoría:Obispos d'España Categoría:Arzobispos de Sevilla Categoría:Obispos de Cádiz Categoría:Rectores de la Universidá de Sevilla Categoría:Persones d'Uviéu Categoría:Wikipedia:Correxir/Revisar títulu