La sablera de Fontanieḷḷa ta nel conceyu de Valdés, nel occidente del Principáu d'Asturies y pertenez al pueblu de Cadavéu. Forma parte de la Mariña Occidental d'Asturies, nel tramu que s'enmarca nel conocíu Paisaxe Protexíu de la Mariña Occidental d'Asturieshttp://sig.magrama.gob.es/93/ClienteWS/Guia-Playas/Default.aspx?nombre=PLAYA_WEB&claves=DGC.PLAYAS.PLY_CO_PLAYA&valores=537
Descripción Tien forma llinial con un llargor averáu d'unos 150 m y un anchor medio de 30 m. El llechu ta formáu por sables escuros de tamañu mediu entemecíu con cantos rodaos. La ocupación y urbanización son escases a pesar de que los sos accesos son fáciles, piatonales ya inferiores a unos 500 m.
P'aportar a la sablera hai que llegar a Cadavéu y dir hasta la ilesia y pela derecha d'ella sale un camín que termina nun cruceru de piedra. En superándola hai que tomar la primer esviación a la derecha, que ye la carretera qu'arrodia a Cadavéu pola mariña. D'esta carretera salen delles esviaciones y tomando la primera llegar a una casina de color coloráu y detrás d'ella ta l'accesu a la parte occidental de la sablera. Si toma la segunda esviación llegar a la parte oriental y si, a lo último tómase la tercera, dempués de pasar la depuradora, atópase'l llugar aparente pa tomar les meyores fotografíes de la sablera.
Nun resulta aconseyable baxar a la sablera yá que hai que baxar unos 75 m por un cantil bien vertical y complicáu. La sablera nun tien nengún serviciu y pa los que s'atreven a baxar, la única actividá encamentada ye la pesca deportiva a caña.
Referencies
Enllaces esternos
Fontaniella Categoría:Espacios naturales d'Asturies