Deep house ye un subxéneru del House aniciáu nos años 1980 n'Estaos Xuníos, onde primero se combinaron elementos del Chicago house col jazz-funk de los años 1980, y con toques del soul music. La duración de los cantares varia ente 6 y 10 minutos, con un tempo usualmente nel rangu de 120 a 125 BPM. Esti estilu de la música house ta carauterizáu por tener un soníu nidiu, sensual, templáu envolvente y bailladeru al empar. Igualmente cunta con efeutos ambientales como reverb y delay. De la influencia del jazz y del soul percíbese l'usu d'acordes más allá de les tríadas, incorporando acordes de séptima, novena, suspendíos, alteraciones, etc. Esti estilu de música house ufierta una mayor sensación acústica. A lo llargo de los años el deep house ganó popularidá según Beatport, siendo unu de los xéneros más vendíos.
Carauterístiques El deep house ye conocíu por tener una melodía complexa, pol usu d'acordes cromáticos sorrayando secuencies, tamién pol ambiente soul, y pola atmósfera de los vocales. L'usu de los vocales volvióse más común nel deep house qu'en cualesquier otra forma de la música house. Polo xeneral el deep house nun llega a un puntu culminante mientres el cantar, pero enfócase más a tar nun soníu cómodo y relaxao. Nel deep house modernu atopamos inda estes traces, anque'l xéneru evolucionó al pasu de los años, volviéndose bien famosu en Países Baxos.
Influencies Tien una gran influencia del soníu discu, y les sos capitales son San Francisco, Nueva York (onde se-y denomina garage), Nueva Jersey (col grupu Blaze a la cabeza), Chicago y Eivissa.
Productores Ente los productores más conocíos del xéneru pueden incluyise:
Sellos discográficos Los sellos discográficos más importantes del xéneru son: Kevin Leal , JK Récores , Jean J. , Jhon Turra ,Selected.,Eton Messy,Armada Deep, Spinnin' Deep, Freerange (Jimpster), Get Physical, King Street, Nite grooves, Defected, Guidance, I! (Kevin Yost), DYI, Extremly house, Wave, Klam, Subsoul, Comfort, Naked Music, Anjunadeep , Salted Music, ente otros.
Future house Esti xéneru defínese como una fusión del deep house, l'EDM y estilos más comerciales de la música electrónica. Surdió na década de los 2010s.
Referencies
Categoría:Música house Categoría:música electrónica Categoría:House Categoría:Pallabres y frases n'inglés