Susan «Sue» Hendrickson ye una paleontóloga y arqueóloga d'Estaos Xuníos, conocida pol descubrimientu del fósil más grande y completu enxamás atopáu de Tyrannosaurus rex.
Biografía thumb|right|Sue, fósil de Tyrannosaurus rex descubiertu por Sue Hendrickson, espuestu nel Muséu Field d'Historia Natural. Nació en Chicago, Illinois, el 2 d'avientu de 1949, pero creció en Munster, Indiana. Debío a l'aburrición que-y producíen los estudios, abandonólos a la edá de 17 años. Empezó a dedicase profesionalmente al bucéu nel añu 1971, realizando ente otres coses trabayos d'arqueoloxía subacuática. Formó parte del equipu que rescató cerámica china del galeón español San Diego, fundíu frente a les mariñes de Filipines.
Ente los sos afayos paleontolóxicos atópense fósiles de cetáceos nel Ermu costeru de Perú y restos d'inseutos calteníos n'ámbare de 24 Ma d'edá na República Dominicana. Nel branu de 1990 afayó una cadarma fósil de T. rex en Dakota del Sur que foi escaváu en 17 díes por un equipu de seis persones. Esti fósil ye'l más grande y completu exemplar d'esa especie que s'atopó. Atópase espuestu nel Muséu Field d'Historia Natural y recibe el nome de Sue n'homenaxe a la so descubridora.
Obra Hunt for the Past: My Life as an Explorer (2001, autobiografía) Referencies
Enllaces esternos Web de Sue Hendrickson (n'inglés) .
Categoría:Paleontólogos y paleontólogues d'Estaos Xuníos Categoría:Arqueólogos y arqueólogues d'Estaos Xuníos Categoría:Científicos y científiques d'Estaos Xuníos Categoría:Persones de Chicago