Sauli Väinämö Niinistö ye un políticu finlandés del partíu conservador Coalición Nacional, presidente del so país dende marzu de 2012. Foi Ministru de Xusticia de 1995 a 1996 y Ministru de Facienda de 1996 a 2003. En 2006 foi candidatu nes eleiciones presidenciales finlandeses y dende 2007 hasta 2011 foi presidente del Parllamentu de Finlandia.
Al ganar les eleiciones presidenciales de 2012, foi nomáu presidente de la República, siendo la primer vegada dende 1956 qu'un políticu del so partíu ostenta'l cargu.«Niinistö logra una victoria histórica en las presidenciales de Finlandia» ABC. Consultáu'l 6 de febreru de 2012 En 2018 revalidó'l so cargu na primer vuelta de les eleiciones col sofitu del 62,6% de los votantes.«Sauli Niinistö, el carismático presidente de Finlandia que puede desbancar a Kekkonen» Consultáu'l 16 de febreru de 2018. El so sobrín Ville Niinistö ye'l líder de la Lliga Verde.
Biografía Nació'l 24 d'agostu de 1948 na ciudá de Salo. Graduóse en Derechu pola Universidá de Turku en 1974. Trabayó nel so propiu bufete d'abogaos ente 1978 y 1988. Empezó la so carrera política en 1976, presentándose al conceyu de Salo. Niinistö foi escoyíu al Parllamentu nes eleiciones parllamentaries de 1987.
En 1994 foi escoyíu presidente del so partíu y al añu siguiente foi nomáu Ministru de Xusticia nel gobiernu de Paavo Lipponen. En 1996 foi nomáu Ministru de Facienda, permaneciendo nel cargu hasta 2003, añu nel que tamién dexó'l parllamentu. Ente 2003 y 2007 trabayó como vicepresidente del Bancu Européu d'Inversiones. Niinistö volvió al Parllamentu en 2007, añu en que foi escoyíu presidente hasta 2011.
Eleiciones presidenciales de 2012 En presentándose a les eleiciones presidenciales de Finlandia de 2012, venció a Pekka Haavisto col 68,2% de los votos.«La derecha gana las eleiciones presidenciales de Finlandia», Público, 5 de febreru de 2012
Condecoraciones Collar de la Orde Mexicana de l'Águila Azteca (26/05/2015).
Referencies
Enllaces esternos
Biografía CIDOB (n'español)
Categoría:Presidentes de Finlandia Categoría:Políticos y polítiques del PCN Categoría:Abogaos y abogaes de Finlandia Categoría:Ministros y ministres de Finlandia Categoría:Vizprimeros ministros de Finlandia Categoría:Políticos y polítiques de Finlandia Categoría:Orde al Méritu de la República Italiana