Martti Oiva Kalevi Ahtisaari (/ˈmɑrtti ˈojʋɑ ˈkɑ-yʋi ˈɑħtiˌsɑːri/; ) foi un políticu finlandés, décimu presidente de Finlandia (1994-2000) y ganador del Premiu Nobel de la Paz en 2008.
Biografía Martti Ahtisaari nació en Viipuri, Finlandia (güei Vyborg, Rusia). El so padre, Oiva Ahtisaari (que'l so güelu Julius Marenius Adolfsen emigrara colos sos padres a Finlandia en 1872 dende Tistedalen, Noruega) adquirió la ciudadanía en 1929 y camudó el so apellíu Adolfsen en 1937. Por cuenta de la guerra, el so padre foi al frente como suboficial mecánicu del exércitu, ente que la so madre, Tyyne, treslladóse a Kuopio pa escapar del peligru. Kuopio foi'l llugar ónde Ahtisaari pasó la mayor parte de la so infancia, asistiendo a la escuela "Kuopion Lyseo".
En 1968, casóse con Eeva Irmeli Hyvärinen (1936- ). La pareya tuvo un fíu, Marko Ahtisaari, un notable músicu y compositor.
Ahtisaari foi l'unviáu especial de les Naciones Xuníes nel procesu negociaciones del estatutu de Kosovu, empuestes a resolver el llargu conflictu nel territoriu que declaró la so independencia de Serbia en 2008. El mesmu añu foi-y otorgáu'l doctoráu honoris causa pola Escuela Universitaria de Londres. Foi gallardoniáu col Premiu Nobel de la Paz en 2008 "pol so importante llabor, en dellos continentes y mientres más de tres décades, destinada a resolver los conflictos internacionales".Premiu Nobel de la Paz 2008.
Amás formó parte de AIESEC ente 1959 a 1963, una organización ensin fines d'arriquecimientu de mozos universitarios a nivel mundial.
Presidente de Finlandia Les eleiciones presidenciales de 1994 fueron les primeres nes que s'escoyó'l Presidente por votu direutu de los ciudadanos y non por colexos eleutorales. Ahtisaari aceptó la candidatura del Partíu Socialdemócrata. El so intachable imaxe política foi un factor importante na eleición, según la so visión de Finlandia como un participante activu nos asuntos internacionales. Ahtisaari ganó en segunda ronda al so oponente, Elisabeth Rehn del Partíu Popular Suecu.
El so mandatu como presidente empezó con una cisma nel senu del Partíu del Centru encabezáu pol primer ministru Esko Aho, quien nun aprobó la política esterior de Ahtisaari. Viaxó de cutiu per Finlandia y l'estranxeru, lo que-y ganó gran popularidá ente la población.
Ahtisaari sofitó la entrada na Xunión Europea y, nun referéndum en 1994, el 56% de los votantes finlandeses amosáronse a favor de l'adhesión. Axustó, xunto con Víktor Chernomyrdin, el fin de los combates en Kosovu en 1999 dirixíu por Slobodan Milošević.
De cutiu zarapicó cola resistencia del Parllamentu finlandés, que prefería una más prudente política esterior. Asocedió-y la Ministra de Rellaciones Esteriores, Tarja Halonen, quien se convirtió na primer muyer presidente de Finlandia.Ficha nel Club de MadridUS Pleased With Post-Independence Progress In Kosovo, VOA News, (n'inglés)
Premios 1995: Premiu Zamenhof pal Entendimientu Internacional, de l'Asociación Universal d'Esperantu 2000: Premiu J. William Fulbright pal Entendimientu Internacional 2000: Premiu de los Cuatro Llibertaes 2000: Premiu de la Paz de Hesse 2004: Premiu Oliver Tambo 2008: Premiu Delta pal Entendimientu Global 2008: Premiu Félix Houphouët-Boigny de la Paz 2008: Premiu Nobel de la Paz
Referencies
Enllaces esternos
Categoría:Premiu Nobel de Finlandia Categoría:Presidentes de Finlandia Categoría:Socialdemócrates de Finlandia Categoría:Diplomáticos y diplomátiques de Finlandia Categoría:Kuopio Categoría:Premiu Nobel de la Paz