Gustavo Francisco Petro Urrego ye un políticu y economista colombianu. Senador de la República nel periodu 2018-2022, foi candidatu pa la presidencia de Colombia en 2010 y 2018. En 2022 resultó ganador de les eleiciones presidenciales.
Dende temprana edá vivió en Zipaquirá, Cundinamarca y nesta ciudá ocupó dellos cargos públicos. Na so mocedá foi parte del Movimientu 19 d'abril col cual proclamaron la Constitución Política de Colombia 1991. Foi Senador de la República pol Polu Democráticu Alternativu (PDA), cargu al qu'aportó nes eleiciones de 2006. En 2009 arrenunció al so cargu para aspirar a la Presidencia de Colombia nes eleiciones de 2010 en representación de la mesma coleutividá. Foi Alcalde de Bogotá ente 2012 y 2015.
Primeros años y educación Fíu del docente Gustavo Petro Sierra y Clara Nubia Urrego. Ñació'l 19 d'abril de 1960 en Barraquera d'Oru, Córdoba. Foi bautizáu Gustavo Francisco n'honor al so padre y el so güelu. Cuando cursaba 2ᵘ grau la so familia treslladóse a Zipaquirá. Ellí, estudió nel Colexu de La Salle de Zipaquirá, u fundó'l periódicu llamáu Carta al Pueblu y un centru cultural al que llamó Gabriel García Márquez. Mientres esa etapa, Petro entamó axuntase con movimientos sindicalistes y obreros de Zipaquirá. Petro graduóse a los 16 años del Colexu Nacional San Xuan Bautista de La Salle y llogró unu de los meyores puntaxes del exame del ICFES para l'ingresu a la educación cimera, en toa Colombia.
Graduóse como economista de la Universidá Externado de Colombia. Al terminar los sos estudios universitarios ye escoyíu cola Alianza Nacional Popular (ANAPO) como personero en 1981 y conceyal de Zipaquirá de 1984 a 1986. Tres desmovilizarse del grupu guerrilleru M-19 viaxó a Bélxica, como parte de les negociación al dexar la guerrilla, u realizó un diplomáu en Mediu Ambiente y Desenvolvimientu Poblacional na Universidá Católica de Lovaina. Depués empecipió estudios de Doctoráu en Nueves Tendencies de l'Alministración d'Empreses na Universidá Jorge Tadeo Lozano y la Universidá de Salamanca.
Más sero los sos títulos d'especialización, maestría y doctoráu foron polémica por falsedá en dellos medios simultáneamente colos títulos del alcalde Enrique Peñalosa. Los estudios de doctoráu fueron mentaos personalmente n'entrevista concedida en televisión nacional al periodista Yamid Amat en 2011 y espublizáu en dellos llibros el tener estudios de doctoráu n'alministración, esto asocedió antes de les eleiciones p'Alcalde de Bogotá pal periodu 2012-2016. Gustavo Petro defendió la idoneidad de los sos títulos académicos con pruebes gráfiques de los certificaos emitíos poles instituciones educatives ú estudió, afirmando que se gradúo d'una especialización n'alministración pública y tien inconcluso los sos estudios doctorales.
Militancia nel Movimientu 19 d'abril Gustavo Petro fíxose militante del M-19 en 1977, el so alies foi "Comandante Andrés" o "Aurelianu", pol coronel Aureliano Buendía, personaxe de Cien años de soledad de Gabriel García Márquez. En 1984, siendo conceyal de Zipaquirá, fixo pública la so militancia nuna manifestación na plaza principal del conceyu, actu tres el cual pasó a la clandestinidá.
N'ochobre de 1985 foi prindáu nel barriu Bolívar 83 de Zipaquirá pol Exércitu, nun principiu Petro sostuvo qu'Alfonso Plazas Vega taba ente los militares que lu torturaron enantes de llevalo a prisión por 2 años acusáu de porte illegal d'armes; sicasí, cuando se comprobó que Plazas Vega nun taba nel país nos díes en que supuestamente se -y torturó almitió'l so error.
En febreru de 1987 Petro foi lliberáu y volvió a la clandestinidá col movimientu M-19, viaxando a Santander y a Tolima, onde xunto a Carlos Pizarro Leongomez participó nel procesu de paz ente'l grupu y el gobiernu de Virgilio Barco. Como parte de la cúpula del M-19, y por cuenta de la participación de dichu grupu na Toma del Palaciu de Xusticia, el Xulgáu 30 d'Instrucción Criminal Ambulante de Bogotá profirió en 1989 una resolución acusatoria en contra so y d'otros 25 comandantes del grupu polos delitos de rebelión, homicidiu, tentativa d'homicidiu y secuestru; dicha acusación foi anulada tres el procesu de paz realizáu col gobiernu Barco.
Trayeutoria política Axunto d'otros desmovilizados del procesu de paz, Petro foi cofundador del partíu políticu Alianza Democrática M-19, movimientu que pariticipó na Asamblea Nacional Constituyente de 1991 y, arriendes d'ello, influyó na redaición de la Constitución de 1991. Ente 1990 y 1991 foi asesor de la Gobernación de Cundinamarca, y col sofitu de l'AD M-19 llega a la Cámara de Representantes en 1991 pol departamentu de Cundinamarca. En 1994 aspira a ser reelixíu na Cámara pero nun algama abondos votos. Darréu, Petro foi amenaciáu de muerte y decide abandonar el país; ye nomáu agregáu diplomáticu en Bruxeles pol gobiernu d'Ernesto Samper, viaxó a Bélxica al pie de la so compañera d'entós, Mary Luz Herrán; de la mesma, otros ex-combatientes del M-19 foron nomaos n'embaxaes europees; Petro arrenunció a esti cargu en 1996.http://www.kienyke.com/historias/la-mujer-que-no-quiere-que-petro-la-ignore/
Tres el so regresu a Colombia, en 1997 foi candidatu de l'Alianza Democrática M-19 a l'Alcaldía de Bogotá, llogró 7 mil votos, el 0,56% de la votación y ocupó l'octavu puestu nos comicios que ganaría Enrique Peñalosa.
En 1998 aspira xunto con Antonio Navarro Wolff a la Cámara de Representantes nuevamente, esta vegada na circunscripción de Bogotá y pol Movimientu Vía Alterna, que fundara xunto con otros exmilitantes de la AD M-19. Nesta oportunidá llogra tornar a la Cámara de Representantes como segundu renglón de la llista encabezada por Navarro. Nes eleiciones de 2002 aspira de nuevu a esta corporación llogrando la más alta votación. Mientres la so invistidura Petro denunció la presunta infiltración paramilitar na Fiscalía Xeneral de la Nación mientres la xestión de Luis Camilo Osorio.
Polu Democráticu Alternativu En Vía Alterna conformaría una coalición eleutoral xunto col Frente Social y Políticu para les eleiciones de 2002, que se consolidaría depués como'l partíu Polu Democráticu Independiente (PDI). A partir de 2005 el PDI axúntase con Alternativa Democrática para conformar el Polu Democráticu Alternativu (PDA), movimientu qu'arrexuntó a los distintos sectores d'esquierda del país, igualmente sofitando l'alcaldía de Samuel Moreno.
Senáu En 2006, Petro foi escoyíu senador de la República cola tercer votación más alta del país. Mientres esi añu desatapó l'escándalu de la llamada parapolítica, que demostraba venceyos de políticos con grupos paramilitares, fechu que lo llevó a ser escoyíu como'l personaxe del añu per distintos medios de comunicación. A finales de 2007 realizó tamién l'alderique sobro la Farc-política, que rellacionaba a dellos políticos cola guerrilla de les Fuercies Armaes Revolucionaries de Colombia (FARC-EP), denunciando casos como'l del representante Luis Fernando Almario, que foi deteníu meses dempués.
Mientres la so militancia nel PDA tuvo delles diferencies con Carlos Gaviria Díaz, ex-presidente de la coleutividá, yá que, según Petro, los comunicaos qu'emitía'l Polu nun yeren lo suficientemente contundentes a la de refugar les aiciones de les FARC-EP, afirmación que refugó Carlos Gaviria.
Nel 2008, impulsó una disidencia nel partíu al traviés de la "llista 19" pa les eleiciones al 2ᵘ Congresu d'Unidá Nacional del Polu, sofitada por miembros del partíu que consideraben qu'esti tenía d'averase más al centru del espectru políticu y exercer una política d'esquierda moderna y alloñada de tesis radicales». La "llista 19" consagróse como la segunda llista más votada del país con 59 389 votos.
Oposición al gobiernu Uribe Como senador, Petro foi parte de la oposición al gobiernu del ex-presidente Álvaro Uribe a quien señaló de tener nexos col paramilitarismu. En 2005, na cámara de representantes, Petro reveló que la campaña presidencial d'Uribe en 2002 recibiera sofitu económicu de Enilse López, conocida como La Gata, condergada darréu por nexos coles Autodefenses Xuníes de Colombia.
El 17 d'abril de 2007, el senador Petro llevó a cabu na plenaria del Congresu un alderique sobro les CONVIVIR y el desenvolvimientu del paramilitarismu n'Antioquia. Mientres l'alderique, Petro cuestionó l'actuación del entós presidente Álvaro Uribe Vélez frente al fenómenu cuando yera gobernador d'esi departamentu. Presentó una fotografía del hermanu del presidente, Santiago Uribe, u apaez xunto al narcotraficante Fabio Ochoa.
Al día siguienti del alderique'l presidente Uribe, ensin mentar el nome de Petro, dixo: «Yo sería bon guerrilleru, porque nun sería guerrilleru de llevantos sinón de fusil». L'hermanu del presidente, Santiago Uribe, dixo que'l so padre y el de los Ochoa crecieron xuntos y arreyáronse nos negocios de caballos".
Candidatura Presidencial de 2010 En 2008 Petro anunció'l so interés por ser candidatu presidencial pa 2010. Petro alloñóse de les decisiones oficiales del so partíu y lideró xunto con Lucho Garzón y María Emma Mejía una disidencia ideolóxica al interior del Polu Democráticu Alternativu.
El 27 de setiembre de 2009 llevóse a cabu les eleiciones internes pa escoyer al candidatu del Polu pa les eleiciones presidenciales de 2010; nelles Petro salió vencedor, superando a Carlos Gaviria.
Nes eleiciones presidenciales llevaes a cabu'l 30 de mayu, Petro, cola so fórmula vicepresidencial Clara López, algamó un total de 1 331 267 votos, que representaben un 9,1% de la votación total, lo que lo allugó na cuarta posición. Nestes eleiciones foi escoyíu como presidente Juan Manuel Santos.
El 24 de xunu de 2010, cuatro díes dempués de les eleiciones presidenciales, Petro axuntóse, ensin conocencia nin aprobación del so partíu, col presidente electu pa empecipiar diálogos sobro la tierra, les víctimes y l'agua.
Salida del Polu Democráticu Alternativu El 2 d'agostu de 2010 en xunta del Comité Executivu Nacional de la coleutividá, con base na votación llograda, quixo ser presidente del partíu; sicasí por decisión de la mayor parte de la mesa directiva foi ratificada nel cargu Clara López Obregón, Petro tan solo llogró'l respaldu de 7 miembros del Comité, mientres López algamó daqué más de 25.
Les diferencies entre Petro y les directives del partíu exacerbaronse polos acercamientos que Gustavo Petro tuvo col gobiernu de Santos, diferencia que foi decisiva pa la so salida del PDA.
De resultes de la salida del PDA forma'l so propiu movimientu políticu denomináu Movimientu Progresistes col que se llanzó a l'Alcaldía de Bogotá nes eleiciones de 2011.
Alcalde de Bogotá N'avientu de 2013 foi destituyíu pola Procuradoría Xeneral de la Nación pola crísis de les basures n'avientu de 2012. N'abril de 2014, un fallu del Tribunal Cimeru quien consideró la decisión como una ensin fundamentos y esaxerada ordenó la so restitución. El 24 d'abril siguiente, el presidente de la república Juan Manuel Santos restitúi nel cargu.
Candidatura Tres la so salida del Polu Democráticu Alternativu (PDA), Petro constituyó por aciu recoyida de firmes el Movimientu Progresistes pa les eleiciones llocales de Bogotá de 2011 nes que Petro foi'l candidatu a l'Alcaldía pol movimientu.
Dellos analistes políticos manifestaron que la so inscripción eventualmente podría ser declarada nula, n'aplicación del artículu 2ᵘ de la llei estatutaria que da forma a la reforma política aprobada en 2009, na midida na que l'entós candidatu incurriría en doble militancia por presentase en representación d'otru movimientu políticu, a menos d'un añu d'arrenunciar al PDA. Petro manifestó qu'esti fechu «non (...) afectaría la so candidatura yá que cuando arrenunció al PDA nun ocupaba ellí nengún cargu directivu».
Gustavo Petro llogró'l 32,22% de los votos pa l'Alcaldía de Bogotá el 30 d'ochobre del 2011, superando a los sos competidores Enrique Peñalosa que llogró'l 24,98% de los votos y Gina Parody que llogró 16,76%.
Alministración