Gardiner Greene Hubbard foi abogáu, financieru, filántropu. Foi'l primer presidente de la National Geographic Society.
Graduóse en Dartmouth en 1841, estudió lleis en Harvard, y foi almitíu nel colexu d'abogaos en 1843. Vivió en Cambridge y xunióse a un despachu d'abogaos de Boston. Practicó'l so oficiu nesta ciudá hasta 1873, cuando se treslladó a Washington, D.C. El so padre Samuel Hubbard foi miembru de la Supremu Tribunal de Xusticia de Massachusetts. Gardiner Hubbard ayudó a establecer los trabayos de suministru d'agua de la ciudá de Cambridge, foi unu de los fundadores de la Compañía de Gas de Cambridge y más tarde entamó un sistema de tresporte ente Cambridge y Boston.
Casóse y tuvo siquier trés fíos: María Hubbard (1855-?), Bertha Hubbard (1857-?) y Mabel Gardiner Hubbard (1859-1923). Esta postrera quedó sorda a los trés años d'edá por causa de la escarlatina y foi alumna de la escuela pa sordos de Alexander Graham Bell, con quien más tarde se casó.
A finales de la década de 1860, Gardiner Hubbard impulsó nel Congresu de los Estaos Xuníos l'aprobación del Proyeutu pa la llei del 'Telégrafu Postal d'Estaos Xuníos', iniciativa conocida como El Proyeutu de Llei Hubbard, que pretendía la concesión del serviciu de la Empresa de Telégrafos del Serviciu Postal de los Estaos Xuníos. Sicasí, el proyeutu nun espolletó. Pa llograr beneficios con esti proyeutu, Hubbard realizó les patentes necesaries p'apoderar los aspeutos esenciales de teunoloxía de telégrafu, como l'unviar múltiples mensaxes simultáneamente sobre un solu alambre telegráficu.adc
Referencies
Enllaces esternos
Categoría:Abogaos y abogaes d'Estaos Xuníos Categoría:Filántropos y filántropes d'Estaos Xuníos Categoría:National Geographic Partners