thumb|250px|Vista de la ilesia de Valdeolmos. Valdeolmos-Alalpardo ye un conceyu español perteneciente a la provincia y Comunidá de Madrid. Tien una superficie de 26,81 km² con una población de 3.906 habitantes y una densidá de 145,69 hab/km².
Nesti conceyu destaquen tres bloques poblacionales separaos: Valdeolmos, Alalpardo y la urbanización Miraval.
Toponimia Tocantes a Valdeolmos, nun ufierta nenguna dulda, el nome ye de procedencia castellana, y vien de la corrupción de la espresión Valle de Olmos (Valle de Llameres en castellanu), en clara referencia a la so situación física, ente los regueros El Casar y Calderón y con gran bayura de llameres. El nome de Alalpardo ye de procedencia árabe, y obedecería a la denominación Aldea el Pardo, utilizada mientres los S. XVI y XVII y que vendría significar: población pequeña en tierra de llabranza de color escuru.
Fauna y flora En Valdeolmos-Alalpardo puede columbrase distintes especies de mamíferos,por casu, corzos (nes deveses),foinos,mures, topinos, coneyos, llebres, xabalinos, etc. Tamién puede reparase una gran variedá d'aves tales como falpayares, perdices, avutardas, mierlos, palombos torcaces y distintos tipos d'aves rapazos.
Nos praos y cunetes topamos l'amapola colorada, el tomillu, el mariellu jumarago, l'artu, la retama y l'espín.
Xeografía Condicionáu pola fisonomía xeolóxica sobre la que s'asitia, una penillanura a una altitú de 685 m sobre'l nivel del mar, y con cuetos testigos como: El Gallineru (697 m), Les Cabeces (701 m), Santa María (791 m), Cuetu Negru (799 m), El Cochino (792 m) y Cuesta Sierra (815 m), techu del conceyu.
Demografía
Rutes Valdeolmos-Alalpardo ta asitiáu na ruta más curtia ente los llugares santos de Caravaca de la Cruz y Santu Toribio de Llébana.
Referencies
Enllaces esternos
Categoría:Conceyos de la Comunidá de Madrid Categoría:Wikipedia:Mantenimientu:Llocalidaes d'España ensin partíu xudicial