Capitales y tumbes del antiguu reinu de Koguryo ye'l nome que recibe un área asitiada cerca de la ciudá de Ji'an, na provincia china de Jilin, considerada como Patrimoniu de la Humanidá pola Unesco dende l'añu 2004.Criterio Unesco
El llugar contién restos arqueolóxicos de tres ciudaes (Wunu, Guonei y Wandu) y 40 tumbes identificaes de la familia imperial de los Koguryo lo mesmo que de nobles de la corte.
La ciudá de monte de Wunu, fundada nel añu 37 e.C. , foi la primer capital del reinu Koguryo. La capital foi tresferida a Guonei trenta años más tarde y dempués pasó a Pyongyang, actual capital de Corea del Norte, nel añu 427. Mientres dellos sieglos, Guonei y Wundu fueron el centru económicu, políticu y cultural del reinu.
La mayoría de les tumbes imperiales, un total de 14, tán realizada en piedra y la so forma remembra a una especie de pirámide gradiada. Les cámares funeraries que s'atopen nel so interior tamién tán feches en piedra.
Cúntense un total de 27 tumbes de miembros de l'aristocracia. Tán feches en piedra y les cámares funeraries tán afataes con pintures murales.
En Corea del Norte atópase'l conxuntu de tumbes de Koguryo pertenecientes al mesmu reinu y que tamién tán consideraes como Patrimoniu de la Humanidá.
Llocalización
CódiguNomeAllugamientuCoordenaes Área 1135-001 Ciudá del monte Wunu Distritu de Huanren, Liaoning Zona de proteición: 276 ha.Zona de respetu: 5.600 ha. 1135-002 Ciudá de Guonei Ji'an, Jilin 59,240002 ha. 1135-003 Ciudá del Monte Wandu Ji'an, Jilin 3219,209961 ha. 1135-004 Tumbes de Huanwen y Ranmou Ji'an, Jilin Zona de proteición: 216,979996 ha.Zona de respetu: 8.542,44043 ha. 1135-005 Tumba nᵘ1, 2 y 4 de Changchuan Ji'an, Jilin 393,429993 ha.
Referencies
Ver tamién Patrimoniu de la Humanidá en China
Enllaces esternos
Proteición del patrimoniu de Koguryo
Categoría:Patrimoniu de la Humanidá en China Categoría:Historia de China Categoría:Historia de Corea Categoría:Historia de Corea del Norte Categoría:Tumbes