La estación del Norte (tamién llamada estación d'Uviéu) ye la principal estación de ferrocarril de la ciudá d'Uviéu, nel Principáu d'Asturies. Dispón d'amplios servicios de llarga distancia, media distancia, rexonales y cercaníes operaos por Renfe tantu sobro vía ancha como sobro vía estrecha. Los percorríos xunen Uviéu colos principales conceyos de la comunidá y col restu de la cordelera cantábrica, Llión, Castiella, el Llevante y Cataluña.
Ta asitiada a la fin de la cai Uría, exe comercial por excelencia de la ciudá. Ta xunto a la estación d'autobuses d'Uviéu, construyida nel 2003.
Situación ferroviaria La estación va xunida a dellos trazaos ferroviarios tanto de vía ancha como de vía estrecha. Per un sitiu atópase nel PK 139,1 de la llinia ferroviaria d'anchu ibéricu que xune Venta de Baños con Xixón a 225 metros d'altitú. Esa ye la llinia principal que da serviciu a la estación al xunila con Venta de Baños onde enllaza cola radial Madrid-Hendaia.
Per otru llau, ye'l PK 0 de la llinia ferroviaria de vía estrecha Uviéu-Trubia y el PK 313,8 de la llinia Ferrol-Aranguren.
Historia Foi inaugurada'l 23 de xunetu de 1874 tres l'apertura entamo Xixón-La Pola Ḷḷena, de la llinia ente Xixón y Lleón que buscaba enllazar Asturies con Castiella. Les obres corrieron al cargu de la Compañía de los Ferrocarriles d'Asturies, Galicia y Lleón.
Foi construyida como una estación mista de pasaxeros y mercancíes. En 1883 la estación creció por cuenta de la inauguración del ferrocarril ente Uviéu y Trubia que tenía como principales finalidaes recoyer el carbón procedente de Quirós, Teberga y Proaza que llegaba hasta Trubia nun ferrocarril mineru y comunicar la Fábrica de Cañones de Trubia. En 1885, tres la desapaición de la Compañía de los Ferrocarriles d'Asturies, Galicia y Lleón pola so quiebra derivada de les faraóniques obres d'accesu del ferrocarril a Asturies y Galicia, la estación y tol patrimoniu de la compañía pasaron a manes de la Compañía de los Caminos de Fierro del Norte d'España. En 1941, tres el trespasu de dicha compañía a RENFE la estación pasó a manes d'esta empresa pública. Estropiada pola Guerra Civil, foi reconstruyida siguiendo los planos del arquiteutu Agustín Ballesteros. La obra foi inaugurada por José María Fernández Ladreda el 14 d'ochobre de 1946.
En 1998 empezaron unes importantes obres na estación: para ameyorar la integración del ferrocarril na ciudá construyóse una llosa piatonal percima de la estación. Per otru llau, en 1999, tres la clausura d'Uviéu-Xovellanos y d'Uviéu-Económicos, ambes estaciones de FEVE, esta compañía empezó a emprestar los sos servicios dende esta estación. En 2013, la desapaición de FEVE dexó a RENFE como únicu operador de tolos servicios emprestaos pola estación y a ADIF como titular de toles instalaciones ferroviaries, tanto de vía ancha como de vía estrecha.
Referencies
Enllaces esternos
Cercaníes Asturies 17x17pxAnteriorLliniaSiguienteLlamaquique direición Puente de Los Fierroscentro|60px|alt=|link=Llinia C-1 (Cercaníes Asturies)La Corredoria direición Xixón-Sanz CrespoLlamaquique direición L'Entregucentro|60px|alt=|link=Llinia C-2 (Cercaníes Asturies)TerminalLlamaquique fin de lliniacentro|60px|alt=|link=Llinia C-3 (Cercaníes Asturies)La Corredoria direición San Xuan de NievaTerminalcentro|60px|alt=|link=Llinia C-6 (Cercaníes Asturies)La Corredoria direición L'Infiestu-apeaderuVallobín direición San Estebancentro|60px|alt=|link=Llinia C-7 (Cercaníes Asturies)TerminalVallobín direición Trubiacentro|60px|alt=|link=Llinia C-9 (Cercaníes Asturies)Parque Principado direición Gijón
Categoría:Tresporte d'Uviéu Categoría:Estaciones de tren d'Asturies Categoría:Cercaníes Asturies Categoría:Edificios d'Uviéu