Pedru I de Borbón foi un noble francés, fíu de Lluis I de Borbón y María d'Hainaut. Yera descendiente per llinia masculina del rei Lluis IX de Francia.
Biografía A la muerte del so padre, Lluis I de Borbón, en 1342, recibió los títulos de conde de Clermont, conde de La Marche y foi nomáu segundu duque de Borbón. Siempres se faló de la so feble salú mental, que foi dablemente hereditaria.
Fixo'l so debú en 1341 so les órdenes del duque de Normandía, el futuru rei Xuan II de Francia y lluchó en Bretaña, mientres casi tola Guerra de Soceción, dexando al pretendiente francés, Carlos de Blois, tomar posesión del ducáu.
N'agostu de 1343, él y el delfín de Viennois, foron los embaxadores franceses nuna conferencia de paz n'Avignon, pero les negociaciones foron infructuoses una y bones el rei Eduardu III d'Inglaterra negóse a unviar dalgún representante.
En 1346, lluchó na Batalla de Crécy, onde resultó firíu. En 1355, foi unviáu a Languedoc col títulu de teniente xeneral del rei, cumpliendo con ésitu la so misión. En 1356, lluchó na Batalla de Poitiers, au finalmente foi asesináu.
Descendencia Pedru casóse con Sabela de Valois, fía de Carlos de Valois, por tanto hermana del rei Felipe VI de Francia. D'esta xunión nacieron siete fíos y un fíu:
Lluis de Borbón (1337-1410), conde de Clermont y duque de Borbón. Xuana de Borbón (1338-1378), esposa del rei Carlos V de Francia. Blanca de Borbón (1339-1361), esposa del rei Pedru I de Castiella. Bona de Borbón (1341-1402), esposa del duque Amadeo VI de Saboya. Catalina de Borbón (1342-1427), esposa del conde Xuan VI de Harcourt. Margarita de Borbón (1344-1416), esposa del conde Arnaud-Amanieu d'Albret. Sabela de Borbón (1345) María de Borbón (1347-1401), Prioresa de Poissy
Muerte Pedru morrió en Poitiers el 19 de setiembre de 1356. A la so muerte, el condáu de La Marche pasó a manes del so hermanu Xaime y el condáu de Clermont xunto al ducáu de Borbón pasaron al so fíu Lluis.
Referencies
Enllaces esternos
Categoría:Nobles de Francia Categoría:Casa de Borbón Categoría:Casa de Borbón en Francia